連鎖快餐店霸枱開班教畫畫 枱上堆滿畫具畫紙?1個舉動惹熱議網民反應兩極

文: 黃樂恩
2024.04.23

近日有啟德街坊在社交平台上傳一張照片,內容是一群年輕人在快餐店內畫畫,桌面上堆滿畫具、畫紙以及少量餐點,讓事主不禁推測有人在快餐店內開班教畫畫。相關帖文引來大批網友留言討論,網友意見兩極,有人認為其做法相當離譜,亦有網友力撐此舉並無不妥,「個個都係咁架啦,只係有人玩電話,有人睇報紙,咁畫畫又有咩問題」,即入內文睇睇啦!

上周日(21)有港人於Facebook群組「啟德居民自由講~」上傳了一張照片,照片攝於區內某連鎖快餐店,有一大群年輕人在某連鎖快餐店內畫畫。事主配文寫道,「一早嚟食早餐,開足幾枱畫班,好心要教去會所教丫」。

從照片中見到,當時快餐店內有不少年輕人正在畫畫,桌上除了放置大量畫具、畫紙,也能看到一些三文治和凍飲等,相信圖中一行人並非完全沒有光顧。事主補充道,指當日店內用餐座位並不多,「已經沒曬位,仲要開曬架(生)攞正牌咁霸曬啲位畫畫」,卻因為這群年輕人有在店內消費,故不能要求店員把他們驅趕,讓他感到非常生氣,「攪到真係想食嘢既人沒位坐」,並形容他們的行為相當自私。

貼文引起網友熱議,不少人看後都力撐事主,紛紛留言直斥該畫班做法相當離譜,竟然為慳租金而隨意佔用快餐店的用餐位置,「工作室都唔洗租,水電都唔洗俾,要水問呀姐」、「賣保險同補習都算,開畫班真係誇左啲」、「依家開埋畫畫班!遲啲會唔會有跳舞班?」、「正正經經,租個地方教畫啦」。

但亦有網友認為此舉並無不妥,「有買野食點解唔坐得?」、「個個都係咁架啦,只係有人玩電話,有人睇報紙,咁畫畫又有咩問題」。當中更有網民推測,指圖中一行人原本計劃到啟德車站廣場附近畫畫,後來因惡劣天氣才會轉到室內進行,「可能參加咗畫畫比賽,而舉辦方無提供避雨plan」、「刪咗佢喇,因落雨先咁樣,你影到日日咁樣先出嚟講」、「今朝橫風橫雨!咁多小朋友入嚟餐廳避雨,(本來係室外活動)繼續上堂,有買餐飲,啲comments 做乜咁小氣?」

來源:FB@啟德居民自由講~

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Cetaphil舒特膚清爽無油保濕水感啫喱!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓【社群送禮】送ZAO深層倍潤護膚套裝!↓

↓為肌膚注入保濕力量↓

↓為肌膚注入保濕力量↓