港男情人節豪棄99枝紅玫瑰!免費送有緣人超心酸 網民留言打氣

文: 溫藹紅
2024.02.15

情人節街上愛侶一對對,「放閃」花束隨處可見,不過都有港男準備花束後,卻未能如願送良人,最終在佳節下透過社交平台開PO,揚言將99枝紅玫瑰贈送有需要之網民,並留言指「唔好問我前因後果」,似是內藏傷痛隱情,獲大批網友打氣支持,有男士最後更成功接收花束!

有男網民於情人節(14日)當晚接近11時透過社交平台發帖,並上傳多張99枝紅玫瑰花束的相片,指「送99朵玫瑰1札(紮),12點前冇人要我就掉垃圾桶」。他表示,自己將在旺角朗豪坊等待至12時正,花束先到先得,屆時有心人抵達後再告知樓層交收,惟強調「唔好問我前因後果,我會喊比你睇」。

貼文隨即引起大批網民關注,至當晚11時58分,樓主再更新帖文指,有男網民現身接收99枝紅玫瑰,更上傳一張與對方不露臉的合照以作證明,指「在此祝各位土友(土瓜灣朋友)同另一半長長久久」,又稱「以下開放慰問」,惹笑不少網民。

不少網民見樓主慘放玫瑰,不禁深表同情,紛紛留言為其打氣,稱「條女係鐘意你,你送西蘭花都一樣冧,唔使為呢啲唔珍惜你嘅女而喊㗎」,反獲樓主指「係我冇珍惜佢先」,實在讓人頗感心酸。有網民指「呢個森林好大,加油」、「呢啲係人生歷練,無經歷又點會遇到下一個更適合你」,希望樓主不要氣餒!

▼網民留言▼

樓主及後又笑指,「同場加映:比我妹發現咗我呢個post(帖文)」,並上傳對話截圖,實在令人哭笑不得。

▼對話截圖▼

資料及圖片來源:Facebook@To Kwa Wan 土瓜灣之友

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票】香港來回鹿兒島機票+獨家優惠碼!↓

↓把握機會!立即參加羸免費機票↓

↓把握機會!立即參加羸免費機票↓

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓