AEON 12蚊店一款迷你家用鋸爆紅！隨著政府推出垃圾徵費，市民對大型垃圾的處理需多加費心，有網民就發現AEON旗下12蚊店Living PLAZA及DAISO一款迷你家用鋸，笑指8月份前可以買定「鋸地拖」。
AEON 12蚊店好物發現！最近有網民透過社交平台群組「12蚊店關注組」發帖，分享在12蚊店內發現一款迷你版家用鋸，每把售價$12，並留言笑指「大家快啲8月前買呀」，提醒大家在8月1日垃圾徵費措施生效前入手，以處理大型垃圾。從相中可見，該把家用鋸相當體積不大，主要可以用於鋸軟鐵及部份鋁製品，尤其是工藝品、DIY等物品均可使用，引來網民留言讚好。
點擊圖片放大
垃圾徵費落實日期推遲至今年8月1日生效，環保署助理署長胡勁欣早前為公眾解畫時，曾一度建議市民在處理大型垃圾，例如地拖棍時可以「鋸開兩嚿放入指定袋」，今次12蚊店家用鋸可謂化身成「實用好物」，或者可為大家解困。
點擊圖片放大
有網民笑指「要買定鋸地拖」、「$12（家用鋸），可能慳好多個$11」，認為可以多加善用。至於實用程度，有網民就覺得「未必夠力」，指如果木棍需要使用木鋸，除非可更換成木鋸條齒，否則同樣變成垃圾；有試用過的市民就表示，「買咗，唔夠力，鋸少少嘢都唔得」。
▼網民留言▼
資料及圖片來源：Facebook@12蚊店關注組、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
