「大渣哥」茶餐廳連續欠租5個月 遭貼封舖告示！譚小環老公：昨晚生意急升200%

毛記葵涌有份持股、由1994年港姐冠軍譚小環與老公蔡強榮創立的「大渣哥」茶餐廳，開業後曾一度大排長龍，深受食客歡迎，其後又殺入灣仔再開分店，但由於租金太貴，事隔一年即結業，目前只剩下九龍灣一間分店。

日前「大渣哥」傳出遭業主在門外張貼欠租封舖告示，指其已欠租5個月。昨日（29日）渣哥就在社交平台上公開與記者的對話，他在文中承認餐廳門口被貼欠租封舖告示，並指出欠租的主要原因是生意差，「生意差咗都年幾兩年，尤其係通關之後，不過唔想影響到班員工同埋供應商，所以一路都默默撐得幾耐得幾耐」。

雖然面臨欠租封舖，但渣哥表示不想員工生計、供應商受影響，因此並未有拖欠員工及供應商錢，「員工要養家，供應商都一樣面對困難，所以我哋選擇員工同供應商優先，一路以嚟直至今天，1蚊都冇欠過佢哋」。最後，記者問到「大渣哥」會否隨時結業，渣哥即表示短期內不會結業，「快極都仲有三幾個月之後嘅事一若然交得返哂啲租就冇事添，業主亦冇權封舖，又若然到時真係撐唔住，天下無不散之筵席，大渣哥茶記唯有提早結業，完成歷史任務。」

據悉，位於九龍灣的「大渣哥」門外貼上業主的「欠租封舖」通知書，指其自去年10月至今年2月期間，一連5個月共欠租130萬元，連同每月管理費共欠約150萬元。

不少市民看後紛紛留言表示要加油，「難關難過關關過。祝願你們生意順利」、「立刻過嚟幫襯，之後都會長期支持」、「加油加油 經開九龍灣都會撐你地」。今早（1日）渣哥亦再次透過社交平台發文，稱今日收到經理滙報，指餐廳生意急升200%，「好忙但忙得開心，好多位老友都同佢講：加油！」而渣哥亦在文中感謝市民的支持，「無論香港又好，多倫多又好 渣哥渣嫂想衷心對大家講：感恩沿途有你，我哋並不孤單」。

來源：FB@大渣哥茶記