做保險隨時「冇朋友」、「斷六親」，金錢比親情更重要？近日傳出有從事保險業的母親，就連親生子女都無放過，故意騙兒子簽「授權書」呃走基金，直接將親生仔當傻仔？事主無奈之下只好報警求助，卻因為1個原因而遲遲未能立案，讓他不禁感嘆道「十多萬可以令一個母親出賣自己個仔，去偷自己個仔嘅嘢！」
據《東張西望》報導，29歲的Evan成長於單親家庭，跟媽媽關係較一般，從小就被媽媽灌輸「向錢看」的觀念。他表示自己中六畢業後便出來工作，由於當時薪水並不多，每月幾乎沒有剩錢，為了有穩定儲蓄，方便日後結婚、做生意等等，於是他在2015年主動找母親商量買一份儲蓄基金。
Evan在節目中透露，該份保單要求供款20年，每月供款$1,600，目前大約已供了16、7萬。直到2020年時，Evan卻發現基金其實不斷在蝕錢，當時他曾要求母親提供基金的資料，又一度表示要提取基金內的錢另作投資，卻多次遭到母親的拒絕，事件拖至2021、22年左右，每當他提起有關基金事情，母親都是以不理不睬的態度。
無奈之下，Evan只好自行上網了解該份基金的供款資料，卻發現保單持有人竟被改為母親的名字，同時他又想起母親2019年時突然要求他簽了一份文件，之後自己就再沒有簽過任何文件。當時Evan只以為是一份「授權書」，讓母親有權去調動基金，「佢完全無講過咩嚟，佢剩係指示位置叫我簽名，其他資料都係佢填，我只係負責簽名。」
Evan直到現在才得知，當年被母親騙他簽下的原來是基金轉讓書，轉讓原因為「媽媽供款」，該份基金將會如同禮物一樣送給了母親，他看到後感到非常憤怒，「我真係有責任，唔應該咁疏忽，就算係親人，我都唔應該咁相信。」
對於母親的行為，Evan感到非常十分憤怒，「佢憑乜嘢食晒我啲錢，依件事太過無恥。我開始覺得佢係賊偷我錢偷我份基金，佢話因為我蠢、因為傻仔，畀佢呃，自己簽名唔睇清楚啲，個簽名係我簽，就算報警都冇用。」Evan也透露自己之前曾想動用這筆基金，與朋友夾份做生意，沒想到一星期後，母親已經直接從他的基金戶口提出5萬元，但由於當時未需要用，他便叫母親把錢再次存回戶口，「以為佢擺咗入去，過幾個月再問佢，先發現少了一筆錢，佢先講原來份基金啲錢攞咗出嚟，就唔可以再擺返一大舊錢入去，叫佢畀番啲錢我，佢就話見我唔急用就還佢自己咭數。」
無奈之下，Evan只好選擇報警求助，卻因為當初已簽下了絕對轉讓書而遲遲未能立案，只能作備案處理，「所有簽名都係我親手簽，所以唔可以落案指控話媽媽呃我」。同時他亦發現，母親也為舅父買人壽保險，受益人一欄卻寫上媽媽的名字，Evan舅父接受節目組訪問：「坐喺度等我死，然後收錢，大佬都畀你跣，好唔抵，日防夜防家賊難防。」
而東張團隊亦有跟進事件，直接上門訪問Evan母親，當時Evan母親一直背對住鏡頭，又不斷自言自語地說：「白紙黑字，佢話畀家用，嗰五萬佢自己攞，跟住話唔要，畀我做家用，你覺得呢？我啲錢唔係白做，好辛苦捱番嚟，獨力湊大個仔， 佢老竇死咗咁多年，我啲錢咬出嚟，有血有汗。」
事件曝光後，不少網友對此感到驚訝，紛紛留言表示「真的嗎？真的會有這樣的媽媽嗎」、「唔熟唔食」、「太好笑E個媽媽」，有人質疑事主是否親生兒子，也有網友建議他看開一點，「而家唔再供款咪得囉」。另外也有網友認為，指該名母親的行為是有不妥，但事主竟為了金錢問題而報警，甚至上節目公審自己的母親，形容他這樣簡直是大逆不道，「好小事，母子之間小小錢問題」、「議事論事，淨係睇亞仔你為咗十幾萬就去警局告你亞媽，仲鋪天蓋地去公審你亞媽？」
來源：東張西望
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
