現年34歲的龔嘉欣近年除了忙於拍劇之餘,亦挑戰發展副業,目前已先後開設4間蛋糕店分店,對自己的生意都親力親為,十足女強人一樣。不過在感情方面,龔嘉欣就似乎未有著落,仍未有Mr. Right出現,今日(5日)她就在IG社交平台上分享了拖住細路仔的相片,第一句寫道:「其實我都係人哋阿媽嚟㗎」,突然嚇窒不少網民。
龔嘉欣今日(5日)在IG社交平台上,貼出了幾張去到主題樂園玩的相片,封面第一張更是拖著小朋友合照的相片,劈頭第一句寫道:「其實我都係人哋阿媽嚟㗎」,已經立即嚇窒不少網民,以為龔嘉欣突然自爆做媽媽。不過,龔嘉欣就透露是「不過係契媽,終於放假啦,契仔契女講咗好耐要去迪士尼...」
龔嘉欣續稱:「朝早已經孭住個背囊話要出發,今次同佢哋玩足全日,自己都趁機打吓卡,實在太多靚位!佢哋見到自己鍾意嘅卡通人物,真係雙眼發晒光啊!見到佢哋真係好開心,明明已經好眼瞓,都堅持,因為佢哋真係好鍾意迪士尼。」
不少網民雖然被龔嘉欣的第一句發文嚇親,都紛紛留言關心她的感情狀況,更有人催婚催生BB:「生返個啦」、「應該好多人想做契仔契女」、「生返幾個啦」、「賢妻feel」。
同場加映:【衝出嚟玩】最新影片