港鐵大埔墟月台逼爆！早前有網民透過社交平台，分享在月台上的驚險經歷，指當時在大埔墟月台站滿人群，有人更被擠至行人扶手電梯口，幸好市民緊急中仍保持冷靜，用1方法應變處理才避過意外，形容否則後果不堪設想。記者已就事件向港鐵公司查詢，正等候回覆。
周一（4日）有網民透過社交平台群組發文，指在港鐵大埔墟站使用扶手電梯前往月台候車時，「去到一半聽到人大嗌唔好再畀人上嚟」。她抬頭一望，才驚見整個月台都逼滿乘客，「（候車乘客）企到扶手電梯口，係完全冇位企」，她形容當時「嚇到腳都軟埋，上又唔係落又唔係」，而扶手電梯則持續向上運行，完全進退兩難。
▼大埔墟站月台情況▼
樓主續指，幸好當時有一位反應迅速的乘客，及時按下扶手電梯的緊急停止按鈕，扶手電梯得以剎停，樓主深表感激，表示「多謝頭先按扶手電梯緊急剎停制嘅人」，否則「差啲就變人踩人」。
▼原帖▼
點擊圖片放大
從樓主上載的相片可見，當時月台兩旁均有列車停下，而月台人滿為患，擠逼程度近乎「人貼人」。不少市民大感疑惑，網上就有市民指出當日險生意外原因。《港生活》記者已就此事向港鐵查詢，目前正等候回覆。
▼原因▼
帖文引來大批網民討論，有網民表示幸好沒有發生意外，「真係反應快，咁急嘅話我連個掣係邊都未必即時醒起」、「發生乜事，做乜個月台咁誇張？」；有網民則指「就算冇事故發生，繁忙時間人多起來都有機會電梯口塞人」，但對事件大感不解，「點解喺繁忙時間，MTR都唔搵人控制下人流」，指月台助理應幫助疏導人流。
▼網民咁講▼
資料及圖片來源：Facebook@大埔人大埔谷、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【U Jetso】Mother Pearl圓貝健康好味便攜輕食！↓
↓ 方便又健康好味！多款口味可供選擇！ ↓
