天水圍天澤街市爆結業潮？再有街市大規模結業，最近有居民發現天澤街市內，出現大量「吉舖」，目前有將近20間店舖結業，其中包括雜貨店、豬肉檔、燒臘店、蔬果檔、海鮮檔、海味舖等，連茶記冰室都唔撈，部分更長期空置。有街坊指「好似因為加租唔做落去」，附領展商場回應。
早前（2月26日）有網民透過社交平台群組「香港突發事故報料區及討論區」發文，表示天水圍天澤商場內的天澤街市，發現最少有11檔店舖「交吉」停止營業，另有2間舖位長期空置，又詳列出最近已結業的店舖名單，當中涵蓋豬肉檔、蔬果檔、海鮮檔、燒臘店、海味舖等。
至上周六（3月2日）樓主又要更新街市結業狀況，指「昨日去街市，多左4間（吉舖）出現」，即現時場內合共有17間吉舖，他又認為及後將陸續有來，又形容「相當震撼」。
同時樓主上載了逾10多張街市結業的實況相片。從相中可見，街市內多間店舖無開檔，部分更直接「拉閘」，有些更已經完全清場退租。
▼天澤街市實況▼
大部分居民表示不感意外，認為天水圍買餸向來不便宜，全因街市的舖租甚貴，「天水圍啲菜已經夠貴，加咗價一樣無人買，執笠係唯一止蝕方法」 、「（天澤街市）菜都唔平囉，凍肉、海鮮所有嘢都貴到癡線」；有近期前往街市的市民表示，「啱啱諗住去買餸，點知去到我買開嘅雜貨鋪執咗，凍肉舖執埋」、「呢兩日內仲會多幾間交吉，好似因為加租唔做落去」。
▼網民留言▼
領展商場回應表示，天澤街市已於2024年3月1日起由原來的整體承租商經營轉為由領展直接營運。街市內逾六成租戶繼續營業，另有約兩成半檔位已有新租戶承租，並於3月1日進駐，將於裝修後營業，其餘約一成多的檔位租務仍在洽商中。
資料及圖片來源：Facebook@香港突發事故報料區及討論區
」，
App內睇文同睇片可隨時捕捉U Fun彩蛋，
換領現金券及禮品！
【送】Cetaphil舒特膚積雪草舒敏系列💚！
↓即時降紅止痕，全面舒緩和改善5大敏感症狀 | 立即參加！ ↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
