打工仔OT媽媽打電話要求放人!驚動老闆親自接電話最後咁收場?

文: 梁穎心
2024.03.12

人人都想準時收工,但遇著要加班點算好?相信大部分人都會留在公司默默做,或者帶回家繼續做,原來還有其他解決方法!近日有網民分享自己OT趣事,新同事媽媽竟然打電話到公司要求放人,讓網民覺得可笑又羨慕。有人認為無補水加班是剝削、是血汗公司,亦有人認為捱義氣OT最後可以升職加薪,算是等價交換,大家點睇呢?

有網民日前在香港討論區發文分享新同事家人的驚人行為,網民稱近日公司公務繁忙,全部同事都要加班工作,包括剛畢業入職的新同事。有日,該同事的母親致電到公司詢問兒子何時才下班,「仲係到鬧咩公司要佢個仔OT,O咁耐唔畀佢收工呀。」最後更要出動老闆接電話,最終敗陣收場,「老細聽完之後就叫個同事快啲收工番屋企,唔洗佢OT。」

網民指事後見老闆心情不太好,擔心新同事會否無法通過試用期。網民事後亦感羨慕:「如果家長打個電話嚟嘈下就可以唔洗OT既話,我都想叫我阿媽打下電話。」

新同事母親此舉引來不少網友嘲諷,有人直言:「老細之後有冇出本手冊比你同事?以後叫佢老母簽名。」、「你個同事係米媽寶黎?」、「同佢老母講 你個仔曳曳罰留堂同佢老母講 你個仔曳曳罰留堂」、「公司應該搞個家長日,同各員工嘅家長見見面傾傾計。」

部分網民認為新同事缺乏解難能力,連加班這種小事都要媽媽出面處理。亦有網友遇過相似經歷,不過打電話到公司的是同事老婆,「之前公司試過有個男同事做野好差所以晚晚都要OT,有一日佢老婆打黎問老細佢老公係咪成日OT, 點解比咁多野佢老公做」

另一方面亦有網民撐新同事母親要求不加班的態度,狠批免費加班才是不正常。網民表示:「OT 文化真係搞出一大堆社會問題」、「Ot 有冇錢先,如果冇錢都ot,變相工時長左即是間接減人工」、「乜依家唔係要ot先唔正常咩,大趨勢係work life Balance」、「間中一次合理,如果經常性就係垃圾公司」、「ot其實吾正常,衹系香港人習慣呢種扭曲」

來源:香港討論區、圖片來源:TVB

同場加映:【衝出嚟玩】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓