結業潮|粉嶺街市檔攤「無營業」!大型超市貨架清空疑執笠?網友分析3原因引致....

文: 黃樂恩
2024.03.16

疫情後香港經濟無甚起色,各行各業結業潮不絕,現在就連大型超級市場都要執笠?近日有市民在社交平台上,大呻粉嶺華明街市多個檔攤「無開」、附近商場不少食店都結業,現在就連商場內的惠康超級市場都疑似執笠,貨架幾乎被清空?帖文引發關注,有街坊對此不感意外,但亦有網友認為這種狀況會持續下去,並分析出3大原因致本港店舖相繼結業.....

日前(12日)有網民於社交平台群組「北區之友 Friends of North District」上傳了一張照片,表示粉嶺華明邨近日有多間店舖相繼結業,除了商店食肆、街市檔攤外,就連商場內的惠康超級市場疑似要倒閉,「乜料…粉嶺華明惠康執笠或大裝修?華明商場食店又執,街市又好多冇無開」。從樓主上傳的照片可見,店內看起來非常冷清,貨架上的商品幾乎被清掃一空,只剩下少量盒裝衛生紙以及清潔用品,並停放了幾架購物手推車,看起來如同蝗蟲過境一樣!

消息一出,隨即引起粉嶺街坊今們關注,有人認為是「經濟差」,加上租金昂貴,業主又不願減租所造成,「仲有冇人租舖做生意先真,啲租咁貴」、「市道差仲不斷加租,大戶都唔想畀」、「等到無租收,領展就會下調租金,唔會蝕底既生意佬」、「市道唔好就要諗縮皮,無計」、「依加係連呢啲屋邨做埋都唔夠交租」。

有網友則認為是「北上之禍」,指港人熱衷北上消費,現在就連日常生活用品、餸菜都會跨境到深圳購買,直言「北上消費蔚然成風,預咗會有依一日」。不過,亦有粉嶺街坊對此不感意外,表示同區附近的花都廣場也有惠康分店,並留言道「其實對面花都又有一間大惠康,可能太近嘞」、「花都都有一間,分薄左啲客源」。翻查惠康超級市場官網分店地址名單,華明惠分店仍在名單中,《港生活》記者目前已向惠康超級市場相關部門作出查詢,至截稿時仍未獲回應。

來源:FB@北區之友 Friends of North District

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓