青衣爆發結業潮？近日有青衣街坊發現，邨內街市在短短幾日內已出現多間吉舖，就連茶飲店都執笠，整個街市看起來烏燈黑火。不少街坊得悉後都大嘆「近期青衣乜事啲舖頭係咁結業」，又擔憂從此會變成「街市遺址」、「成個街市一齊執晒」。
日前（29日）有網民於Facebook群組「青衣街坊吹水會」上傳了多張照片，照片中是青衣長發街市的最新實況，他配文寫道「今日29號多咗咁多間吉舖（長發街市）」。從照片可見，街市內有多個檔攤已被清空，當中包括凍肉海鮮檔、菜檔、生果檔等都有，有部分攤檔更貼出「由於租約期滿，本店即將結束營業」、「多謝大家 有緣再見」等字眼的告示。
另外，亦有其他網民幫手列出長發街市已結業檔攤，又指出身處街市內的人氣茶飲店「E.TEA茶星人」同樣疑似結業，讓他不禁在帖文中寫道「3月係咪青衣執笠潮，好多舖頭都唔做」。
點擊圖片放大
消息一出，很多街坊看後都嚇了一跳，直言「近期青衣乜事啲鋪頭係咁結業」、「邊有街市烏燈黑火，條魚咩色都睇唔到，點買」、「疫情嗰時都冇咁多鋪執笠，仲好好生意添」，當中更有不少長發邨街坊擔憂從此會變成「街市遺址」、「成個街市一齊執」。
部分人則認為邨內短時間內出現大規模結業，很有可能是業主瘋狂加租而造成，「今日茶星人都執埋，應該真係加租加到痴線」、「荒島仲要加租，搵唔到食咪唔做」、「菜檔阿姐話加30%，點做」、「做埋都唔夠俾租，返屋企瞓覺好過」。
來源：FB@青衣街坊吹水會
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
