公屋1人單位月入限額得咁多？港人問點樣申請到：樓下看更都超過！網民教「遊戲規則」係咁...

文: 黃樂恩

2024.03.17

近日有網民在網上發文，他指出現時最低工資為$40，若工時為12小時、每月工作26天，都已經快要達到房屋署所制定的公屋入息限額，所以實在不理解港人是如何申請公屋一人單位，直言樓下保安都分分鐘超過限額。

該名網民於Facebook群組「公屋討論區」上傳了一張截圖，內容是房屋署「公屋入息及資產淨值限額（2023年4月1日起生效）」，他配文寫道：「其實一直唔係好明，D單身年輕和中年人士，是如何申請1人單位的，最低工資40元X12小時X26日=$12,480，分分秒秒樓下個看更都超過佢個額」。

從截圖中可見，若以1人家庭計算，每月入息限額為$12,940，資產淨值限額則為$278,000。據房屋署網站資料顯示，強制性公積金或公積金計劃下的法定供款可於申報入息時獲得扣除；同時，若年滿60歲或以上的長者，其資產淨值限額為上表所示限額的2倍，換言之，1人家庭資產淨值限額可達$556,000。

不少網友看後都認為現時公屋月入限額相當離地，紛紛留言表示「這個額一個月必定超過啦」、「點生存」、「擺明趕絕單身，迫人搵伴結婚」、「根本正常出得嚟做嘢點都唔會低過佢個額」、「如果加人工咁點搞」，有人則笑稱「所以政府係叫唔好返工」、「跟指標未等到派，你已可以餓死街頭」、「一人單位，我怕我入棺材個下都未排到」。

但也有網友拆解公屋「遊戲規則」，稱有許多港人都會為了申請公屋而放棄全職工作，或是找一些現金出糧的工作，「大把現金糧嘅工」、「唔做全職咪得咯」、「做散工每月返十幾廿日」、「有啲人做part time做咗八至十年，都係為咗攞間公屋」，也有部分人認為「好明顯1人係俾真係有需要嘅老人家/退休人士/健康問題嘅人申請」。