港人住劏房列3大慘況似停屍間!慘呻睇屋睇到絕望:冇合理選項

文: 黃樂恩
2024.04.20

香港寸金尺土,房屋問題嚴重,租屋買樓成為不少港人的必修課題!不過,日前(7日)有連登仔在討論區發文,他感嘆道「最近睇屋睇到好絕望」,表示現在香港租一間劏房幾乎都要$4000-$5000左右,而且環境相當惡劣,並在文中列出香港劏房的3大缺點,「為個爛床位奉獻一半人工」。相關帖文引起大批港人關注,對此事件網友各持不同意見,即入內文睇睇啦!

香港劏房缺點1/ 環境惡劣,裝潢設計似「停屍間」

樓主指出,香港大部分劏房都不會使用油漆粉刷牆壁,大多裝潢均以階磚牆、假天花為主,讓他不禁質疑「啲業主究竟乜X嘢品味」,他表示在一般住宅中,階磚牆只會出現在廚房廁所,又形容這種設計如同「停屍間」一樣,他直言「擺張床喺階磚牆隔離唔覺得好X違和?」又指出其居住環境極惡劣,「成條屎渠打橫穿過個廳都夠膽開$5000」。

香港劏房缺點2/ 水電收費問題

現時香港「正常少少」劏房的租金最少要$7000起跳,但這類型房間的「水電唔轉名」,所以大多數租戶捱貴電費之餘,又不能享受政府或電力公司補貼電費,「劏房係你用第一度電已經貴過正常最貴嗰級,政府補貼更加冇你份」,更有不少業主會趁機在租戶所繳交的電費中多賺一筆,「每度賺多你一兩蚊,個個月千幾二千蚊走唔甩,即係又要一萬蚊個月,加多少少已經夠整租」。

香港劏房缺點3/ 基本電器老舊

不少劏房都會配備基本電器,如雪櫃、洗衣機、冷氣等,不過樓主則指出,絕大多數業主只會提供效能低且耗電量大的電器,「九成係配舊到發黃嘅窗口式冷氣機,啲舊電器勁耗電」。

樓主直言,若在香港租$7000-$8000劏房是一個非常很不智的行為,但一個人租萬元以上的「整租」又太奢侈,他感慨在香港租房根本「冇合理選項」、「為個爛床位奉獻一半人工」。同時,他也苦訴香港社會的不公平,根本是在懲罰一些正在努力生活的人,並在文中感嘆道「係咪應該搵份最低工資,正正經經排吓公屋好過」。

不少網友看後都身有同感,紛紛留言勸樓主看開一點,「唔睇咪唔會絕望,與其苦惱不如躺平」、「窮(人)學咩人對生活有希望」,又建議他與人夾租、租工廠盤,或是選擇搬離市區、北上租房,以達到他期望的居住環境。

但亦有網友不認同樓主所言,並指出租盤的優質程度必定和其價錢成正比,勸他在選擇時要有取捨,「鬼叫你窮咩,唔好咁多要求啦,有得租就租,唔租就躝啦」、「做得劏房就一定係淘寶質素架喇,人地用最低成本換取最大利潤,業主本身都唔係自住,劏得就拎嚟投資,點會比間裝修好靚既你住」。當中更有人笑言「窮嘅話,性價比最高一定係瞓天橋底/麥當勞,冇得輸」,又建議樓主應該回家跟父母同住,「一蚊都唔洗出,仲要包水電煤上網雜費,有人洗衫,包埋伙食,邊有得輸?」

來源:LIHKG 討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【🎁送禮】Gourami夏日時尚游泳套裝🏊!↓

↓具備時尚感及功能性,適合四季穿搭! ↓

 ↓具備時尚感及功能性,適合四季穿搭!  ↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓