連鎖快餐店薪水太低惹熱議!燒味師傅人工大幅下跌 日薪得番呢個數?

文: 黃樂恩
2024.03.18

近日有港人分享一則招聘廣告,內容是香港某連鎖快餐店正在大量聘用全職、兼職員工,當中包括水吧、樓面、大廚等職位都有,全職員工薪金面議,但兼職時薪卻只有$55至$65不等,而夜更時薪只是每小時多$5,引起大批網民討論。不少網友都認為該快餐店的薪水未免太低,「保安行行企企都有800」、「我去Carousell賣幾件垃圾都賺到」,更有人發現燒味師傅人工大幅減少,已經從日薪$1000跌到3位數?即入內文睇詳情啦!

早前Facebook群組「飲食黑店大全」上,有人上傳了香港某連鎖快餐店的招聘廣告,並配文寫道「香港大OO(指某連鎖快餐店)…出手太低。」從照片中見到,香港某連鎖快餐店正大量招聘人手,招聘職位包括經理、水吧、收銀、樓面、大廚等等都有,可享有勞工假、有薪年假、表現獎金、免費膳食等福利,全職員工薪金面議,燒味廚師日薪則為$850, 其他兼職職位一般時段時薪由$55至$65不等,夜更時薪每小時多$5,並在招聘廣告中寫上「以上兼職無需經驗、有經驗者薪金另議」。

帖文曝光後,立刻掀起網友討論,紛紛留言表示「保安行行企企都有800」、「我去Carousell賣幾件垃圾都賺到」,但也有網友認為其兼職薪水相當合理,「人地寫咗以上無經驗喎,有經驗另議」。

另外也有網友留言感嘆,表示前幾年燒味師傅日薪幾乎都有4位數,沒想到現在日薪卻跌至$850, 「燒味師傅其實幾年前都日薪1000」,又認為香港人工不升反跌的現象,很有可能是港人熱衷北上消費引致,「大家繼續返大陸洗錢啦,如果你繼續認為香港經濟唔關你事嘅話」、「而家大家北上消費,慳左錢,所以有空間減人工」、「之後唔好呻喺香港搵唔到食喇」。

來源:FB@飲食黑店大全(全港食店質素/價錢/服務關注組)

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】送ZAO深層倍潤護膚套裝!↓

↓為肌膚注入保濕力量↓

↓為肌膚注入保濕力量↓

【搶先送❗】Rollink可摺疊行李箱🧳!

↓ 全球最薄!免費成為全港首批用家 ↓

↓ 全球最薄!免費成為全港首批用家 ↓