住屋問題困擾香港多年，對不少港人而言，抽中綠置居如同中「六合彩」般的幸運！不過，近日有港男於本地討論區發文，稱同事跟父母原本住在230呎市區公屋，去年經「綠置居」抽中上水一個440呎的單位，現已交付10萬首期，準備與家人2025年搬入新屋。但同事最近開始感到後悔，並列出4大搬入新居問題，感嘆道：「只係諗將來嘅日子就已經好攰」。
日前（10日）在「香港討論區」上，有人以「230呎公屋換上水440呎綠置居，但我開始後悔」為題發文。他表示，同事跟父母一家三口住在「紅色線（即港鐵荃灣綫附近）」的230呎公屋，但由於該單位面積不大，故沒有獨立房間，「基本上無私人空間，（長期）係空間壓迫嘅狀態下」。
近年同事一家人計劃申請「綠置居」，很幸運地在去年中籖抽到上水屋苑的440呎單位，「當時屋企人都開心，話晒空間大咗一倍，而且有親戚喺上水附近住，兩老約親戚飲茶就更方便」。樓主在文中透露，該名同事今年20多歲，每月收入有20k以上，而該單位月供1萬元，雖然他的父親早已退休，但母親從事飲食業，當時同事認為「屋企都暫時勉強供到唔成問題」，於是去年支付約10萬元首期，一家人準備2025年搬到新屋。
即將「上車」固然是好，但最近樓主發現同事正在苦惱買「綠置居」的決定是否正確，同事思前想後，便列出搬到該單位的4大問題，直言自己開始感到後悔：「只係諗將來嘅日子就已經好攰」。
1. 交通問題
同事認為「上水養老就好」，但對年輕人而言，交通問題無疑是日常生活上一個重要的考量，「本身間公屋MTR（港鐵）1分鐘就到，方便出入」。
2. 拍拖 / 結婚問題
此外，同事考慮到供樓後，每月可用錢將大大下降，未來很有可能負擔不起拍拖使費，而且另一半未必願意搬到上水與他的父母同住，「萬一我搵到另一半開始拍拖開始結婚開始想生小朋友，先唔講另一半肯唔肯搬入嚟一齊住，只係拍拖去旅行嘅錢我都使唔到，仲可以點過自己人生？反之嘅係，點解唔等搵到另一半嘅時候，再同對方一齊租一齊供去過二人世界，得閒返兩老公屋飲湯？」
3. 供樓壓力
由於同事媽媽年紀漸大，「最多做多幾年飲食就退休」， 到時他就要一人負擔供樓。加上他原本打算攻讀碩士學位，估計要花費30萬元和2年時間，若是搬到上水新居後，已經有一大半的錢花在父母身上，「仲點有時間同金錢去組織自己家庭、擁有自己嘅人生？」
4. 離開原本的生活圈子
最後，同事提到自己自小在「紅色線」長大，無論是朋友、工作等生活圈子都是在市區，「得閒落油尖旺拮吓魚蛋，再唔係就走葵荃工廈同朋友夾band」。
同事補充道，指從頭到尾想搬走的都是自己，「兩老喺屋企都係瞓張床坐梳化睇抖音玩candy crush（手機遊戲）」。樓主看後則認為同事一家「冇咩追求」，令他不禁質疑，「咁點解唔叫同事兩老留喺間公屋，同事自己搬出去。」帖文一出，隨即引起網民熱烈討論，不少人直斥該名同事的行為相當魯莽草率，未有考慮清楚便衝動買樓，「廣告都有講，買樓唔係買棵菜，梗係要做足功課先啦」、「俾咗首期先開始諗...怪誰？」紛紛建議他「撻訂」當買個教訓。同時也建議同事自己搬出去住，讓兩老住在公屋安享晚年，起碼大家的生活空間都更大。
不過，也有網民勸該同事勿衝動，並在留言列出公屋搬到「綠置居」的好處，「200萬買倒440呎係邊度搵」、「比$10萬蚊首期用$200萬買到440呎，仲想交通方便？」、「起碼呢一刻你的生活空間大咗」、「假假地都係業主」、「由公屋上到居屋，人生已經係進步咗」、「四百多呎有房有廳，生活空間大咗，咁唔舒服咩」。
來源：香港討論區
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
