外傭入屋3個月火速辭職 早有預謀做定3件事？港媽痛失2萬蚊：所有嘢部署好...

港媽在文中提到，外傭來到香港的第一個星期，便透露自己「個電話壞咗」。由於當時是外傭的生日，港媽便抱著「我對人好，人對我好心態」，主動送了一部手機給外傭作為禮物，又特別為她準備了生日蛋糕。

點擊圖片放大

沒想到的是，外傭工作才剛滿3個月，港媽卻突然收到對方的辭職信，「一早準備好辭職信，仲話已經send埋去入境處，現（在）畀一個月通知我」。得知消息後，港媽與Agent曾嘗試勸外傭留下，但對方卻以「家姐話唔肯照顧佢三個小朋友，（所以）要返去照顧」為由拒絕，做得相當決絕！

對於辭職一事，港媽則認為外傭是早有預謀，「感覺係所有嘢已經部署好，估計可能有人教佢轉工」，令她感到心灰意冷，「兩萬蚊就係咁三個月就完咗，錢冇咗條氣唔順之餘，仲要煩，而家諗緊仲請唔請好」。

點擊圖片放大

帖文一出，隨即在網上引發熱烈討論，不少人對於港媽遭遇深感同情，「好慘，對工人講心，但工人講錢」，同時又提醒她要「收返部電話」，「對方唔講仁義，僱主亦無需情義，以牙還牙」、「（電話）留返嚟自己或下個工人用都好呀」、「收返電話止蝕，今次當係教瞓」。而港媽亦有對此回覆，「我而家學識咗啦、真係唔可以對佢哋好」、「你講得都啱，留返比下一個工人都好」。

點擊圖片放大

亦有網友表示，指近日發生了不少外傭斷約事件，有人質疑是否「agent教」，也有人認為是外傭把來港工作當成Working Holiday，「呢排勁多斷約！半年都唔夠！得幾個月既斷約」、「我諗係agent教，咁agent又可以搵啲錢，純粹我個人諗法」、「早有預謀㗎，平常心好了」、「好多都抱住出來見識既旅遊心態來香港」。

+8

+7

點擊圖片放大

來源：FB@聘請工人姐姐關注組