香港廿幾萬讀master係嘥錢?網民:讀完做呢件事絕對「無價」

文: 黃樂恩
2024.03.29

近年越來越多港人修讀碩士課程(Master Degree),可以擴闊人脈之餘,又可以提升競爭力,較容易爭取升職加薪的機會!最近有連登用戶發帖,稱升讀碩士的學費不便宜,但他認為最大好處就是可以移民,「(畀)廿幾萬都唔知幾時先回(到)本,唯一無價應該係移民加分」,隨後又在文中詢問其他網友「廿幾萬讀個master是否不智?」帖文在網上引起關注,網友留言兩極,有人支持樓主讀碩士,亦有人認為「無謂嘥錢」,即入內文睇睇啦!

早前有人在LIHKG討論區發文詢問網友「廿幾萬讀個master是否不智?」樓主透露,自己畢業於「三大Degree」(即香港3所最早獲准以大學命名的高等院校,分別是香港大學、香港中文大學、香港科技大學),目前從事IT行業。他在文中指出,現在讀碩士幾乎要「廿幾萬」,直言「都唔知幾時先回(到)本」,不過好處就是可以透過讀書移民,「唯一無價應該係移民加分 利申:有offer」,並在留言中表示自己有意到「加拿大或者馬來西亞,(目前)未認真研究」。

帖文曝光後,絕大多數網友都支持樓主讀碩士,認為碩士學歷有助升職加人工,加上又可以順便移民,紛紛留言表示「做大企業想升職,有Master一定有(著數)」、「廿幾萬算咩錢,趁有時間有精力讀咗佢啦」、「讀啦,學歷通漲」、「順便移民就幾抵」。

但亦有網友指出「以前讀Master個含金量就高,而家就無謂嘥錢啊」、「老實講個Master用處真係唔大」,形容讀碩士「唔係不智,係弱智」,紛紛勸樓主要想清楚,衡量一下自己是否有讀書的需要,「蕃薯咁嘅資質純粹諗住用學歷堆砌就作用不大」、「自己衡量下有無需要,唔好人講你就信」、「投資20萬比自己,升值潛力有幾多自己諗」。

來源:LIHKG討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓