西灣河太安樓男廁格驚現怪象？人有三急，早前有男市民前往太安樓去廁所，拍下多張相片後直言「有啲恐怖」，其中更發現有廁格內竟滿地溪錢，部分則上鎖，指傳聞用來擺放食材...
太安樓商場出名美食多，不過廁所就未必人人都去過。早前有一名男性市民去太安樓，前往商場內的男廁所，形容除了「勁臭及勁污糟，及啲粉X最鍾意開完大（便）唔沖廁之外（仲要係稀嘅）」，最奇怪是其中一個廁格內竟驚現溪錢。
樓主透過「巴打絲打『11靈異怪談』Facebook Club」群組，上傳了一組男廁實況相片。從相中可見，其中有廁格大門遭拆掉，出入口被一塊木板半掩「封閉」，外面則加上一支已「上釘」的木條。探頭往內查看，該廁格未算非常骯髒，但地下卻滿撒溪錢，樓主形容「有理由懷疑係鬧鬼」，頗感詭異。
▼男廁格滿撒溪錢▼
此外，廁所內的部分廁格沒有大門，有部分則仍有廁門掩上，並被人以鎖頭在外面上鎖，樓主指「傳聞有部份上咗鎖嘅廁格係用嚟放食材」，不過由於擔心有關廁格內「有人」，樓主最終未有探頭查證。
▼部份廁格被上鎖▼
整體而言，男廁的內部空間相當大，盡頭設有一大面玻璃鏡，部分牆身已經剝落，感覺十分殘舊，雖然亮起燈光，仍有些許荒蕪之感。樓主表示，「雖然個廁所有啲恐怖，但個埸真心選擇多，啲食店都ok」，有空時都會專程前來。
▼原帖▼
帖文惹來不少網民關注，更有人回憶起當年太安樓廁所泲涉及的一宗轟動事件。
▼當年曾因1事轟動全城▼
不過，時至今日該商場公廁衞生情況似乎未有大改變，有街坊形容「呢個廁所路過外面都臭到唔識形容」、「平時行過好奇都唔敢入去睇」、「地獄屎坑」。
▼網民留言▼
相比起有溪錢，有街坊指最可怕是「路過見過多次，有人在厠格外地下洗食材」，直言比鬼更恐怖。
▼街坊咁講▼
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
