騙徒手法層出不窮，沒想到就連兩餸飯名店都有假專頁？「權發小廚」早前在Facebook出Post，指有騙徒假冒其店開假專頁，推出「包伙食」形式送餐進行詐騙，聲稱每餐連運費最平$30起有交易。事件在網上引起關注，當中就有網民指出，假專頁中至少可以看到3大疑點，不禁說道「咁都信，唔抵可憐喎」。
油麻地兩餸飯名店「權發小廚」，以出色熱炒小菜為名，加上菜色選擇多，且價錢親民實惠，吸引不少港人幫襯！本周一（8日），「權發小廚」突然在社交平台專頁上傳了一張截圖，表示有騙徒盜用其相片頭像、門市資料在Facebook開假專頁，並配文寫道「大家注意！此非本店，慎防受騙」。
從截圖中可見，假專頁聲稱「權發小廚」推出包伙食形式送餐優惠，供應時間為星期一至星期日的午餐 / 晚餐，其中以「2人份 20餐」的價錢最便宜，售價為$1,200，平均每餐連運費只需$30，加上假專頁又將正牌店舖的商標、照片挪為己用，令騙局可信度進一步上升。
事件一出，隨即掀起大批港人關注，紛紛留言表示「又真係抄到好真」、「佢連你地個名同logo都抄埋」、「偷相偷得好勁，同你最近幾天Po過嘅相全部一模一樣 」。不過有眼利網民留意到，假專頁帖文中有太多不合理之處，「太多emoji，整色整水，令人懷疑」、「人哋做門市旺到飛起，仲有時間到會送貨？」、「有簡體字（唔）方好野」，加上每餐連運費最平$30起，價錢便宜到難以置信，難怪有網民直言「33.5仲送埋貨，運費都未夠啦，智障唔抵可憐喎」。
此外，亦有不少港人建議「權發小廚」老闆要「大大隻字高調澄清」，又建議他們應盡快申請成為Facebook驗證帳戶，以免再次被不法之徒冒認，損害其店舖名聲。昨日（9日）「權發小廚」再發帖，表示已就今次事件向警方求助，並在帖文中寫道「事態嚴重必須報警處理，請大家注意！本店只有這個Facebook，請認明聯絡電話，慎防受騙」。
來源：FB@權發小廚
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
