現年41歲嘅孫慧雪連日都分享咗唔少去日本嘅靚相，日前佢就Post片分享去拍攝和服相嘅「攻略」，片中見到除咗佢一家四口之外，仲有工人姐姐入鏡，大家除咗驚覺姐姐都生得幾靚之外，仲大讚阿雪係好僱主！
同場加映： 中年好聲音2丨古淖文認半紅不黑浮沉15年欠運 學習謙卑求進：當年贏冠軍一定囂
孫慧雪同老公羅天彥結婚七年，先後誕下大仔水哥（Riley）同細仔「肉肉哥」，身為兩孩之母嘅佢仲係非常索，唔少人仍然搵佢做model影相，不過日前佢就去到日本畀錢人幫佢影靚相。
阿雪分享影片，佢哋一家預先book咗一間有小朋友和服嘅舖頭，仲包埋一個台籍攝影師，阿雪提到因為佢都老公都生得比較高大，所以可以揀嘅款式都唔多。之後阿雪嘅家傭都有出鏡，阿雪表示因為姐姐係標準158cm嘅身高，所以好多款可以揀，片中見姐姐化晒靚妝，着上嘅和服款都偏少女風，非常搶鏡。
阿雪一家之後去到大街影全家福，姐姐都有不時入鏡，關係好好，相處得好融洽！唔少人都讚姐姐顏值高，留言：「工人姐姐又幾靚女😂」阿雪都回應：「係呀！靚靚！」網民都大讚阿雪係好僱主，將姐姐當係家人，請埋佢去旅行同體驗着和服：「好多人未必會畀多份錢姐姐玩！」、「想做雪雪工人姐姐。」
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
