港男因一條牛仔裙「審美PUA」引爆分手風波 嫌女友衣着「冇mood」即時冷暴力
TVB Plus（82台）直播一小時節目《奇情谷》昨晚（7日）主題為「夜總會眾生相」，請來夜總會老闆李健民（Edward）分享夜場奇情故事。早前他請來日本前AV天后蒼井空，為旗下新開夜總會任剪綵嘉賓，引起一陣哄動。賴慰玲再以客席谷主身份暫替吳若希（Jinny），而一班台前幕後工作人員預備的生日蛋糕，為她帶來驚喜。
男方因牛仔裙分手公審熱爆網絡
昨晚「有料報」環節的故事發生在香港，不單離奇且耐人尋味，GM報料時說︰「呢單新聞真係癲，有4千多個likes、7千幾個followers。最近有女網民Chloe喺社交平台公審佢嘅前度，事緣男仔唔知咩事好憎牛仔褲，經常對女方嘅穿衣style彈三彈四。」到上兩個月二人出外旅行後，因為一條牛仔褲及牛仔裙，二人分手收場。網民在社交平台的留言非常抵死，有人指「我睇到一塊牛仔布顯靈，拯救一個女仔一生嘅故事」、「佢童年係咪比牛仔褲打過」。
女事主親述過程「話條裙令佢無晒mood」
當事人Chloe接受電話訪問時透露詳情，她表示︰「一齊去韓國旅行，頭幾日都無事，去到最尾嗰日佢突然好冷淡，又唔拖我，又係咁撳電話。」返到香港後男友對Chloe的反應都好冷淡，最後Chloe忍不住問對方想點，得到的回應令人驚訝。節目中播出男方的短訊回應，內容提到「我一路以嚟拍拖，啲女朋友着啲（我）唔鍾意嘅衫，我可以好冷淡，唔淨止對你係咁，着好正就會係咁攬住佢、錫佢，我出街都想女朋友靚、同我襯呀……」
他對Chloe旅行時穿的牛仔裙以「震驚」同「重擊」來形容，Chloe續說︰「話我條牛仔裙令佢無晒mood，想sweet都唔得。」最騎呢的是男方一面品評Chloe的衣着，另一邊在韓國5日4夜的旅程中，都穿着同一件恤衫。
港生活人氣娛樂新聞
↓ 賞您香港書展2025電子門票📖 ↓
↓ 同一門票可入埋「零食世界」及「香港運動消閒博覽」↓
↓【限時搶⚡】賞您日本Flo(a)tus超跣水防風長雨傘↓
↓超跣水技術｜防風、防紫外線功能↓
