公屋還原|港媽公屋入伙改動8項目 還原單位報價破萬?網民:價錢合理

文: 黃樂恩
2024.04.18

公屋還原竟然要咁多錢?近日有港媽在社交平台上發帖,表示自己即將從一人公屋單位搬到更大單位,但由於她在入伙時曾改動廚房及廁所,故房屋署要求她將原住單位還原,並附上報價單逐一列出每個改動項目的收費,8項設備還原費用破萬?即入內文睇睇啦!

上周四(17日),有女網民於Facebook群組「公屋討論區」發文,透露自己原本住在1個單人公屋單位,由於她即將轉去3至4人單位,所以房屋署要求她把原住單位還原,並附上報價單向她逐一列出每個改動項目的收費。

從她上傳的報價單見到,該公屋單位共有8個項目需要還原,包括廚房門連框$3,351、廁所門連框$1,500、座廁$900、沖廁水箱$755、洗面盆$868、鋅盆$984、拆除吊櫃等雜物$720,其中灶台還原費用讓她相當驚訝,竟要價$2,020,「估唔到廚房個灶台咁貴」,所有費用總共是1.1萬。

港女補充道,表示自己剛搬入1人單位時,曾向房屋署申請翻新津貼(金額相等於3個月租金),為單位進行簡單裝修,因此連同該津貼後,她認為今次還原費用算是合理,「其實計返其實都ok既,都係預計之內」。

帖文引來大批網民留言,網民反應兩極,大多數人都覺得還原費用非常合理,「唔貴wow」、「抵到爛」、「一向租樓都唔可以拆業主D野架拉」。但亦有網民嫌房署收費太貴,並在帖文下方分享個人經驗,「我現在都驚緊呀,因為我拆咗個廚房改過曬啲爐頭位,唔知要畀幾多錢呀!」、「我有同事搬離公屋時剩係賠大門都7仟幾」。

有網民看後則指出,出租公屋原意為解決基層市民的住屋需要,僅為租住,並不是保證可以住一世,同時又建議大家入住公屋時盡量不要幅改動單位,「其實公屋只係租住,乜都唔整咪唔使煩囉」、「如果諗住抽居屋或唔打算住過世,就千祈唔好亂改亂拆或豪裝間公屋」。

事實上,根據公屋租約條款,事前未經房屋署書面同意,租戶不得改動單位內任何固定裝置、間隔或其他架設。如違規改動,即屬違反租約條款,住戶須自費糾正或還原,如不能還原,或不配合修復工程,有可能遭終止租約。租戶如欲改動單位內設備,可參考屋邨辦事處的固定裝置分類列表,以免觸犯條款。

來源:FB@公屋討論區 - 香港facebook群組

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】滿分好評驅蚊劑!↓

↓旅遊必備!一支驅蚊+防床蝨~↓

↓旅遊必備!一支驅蚊+防床蝨~↓

↓【社群送禮】送ZAO深層倍潤護膚套裝!↓

↓為肌膚注入保濕力量↓

↓為肌膚注入保濕力量↓