中年好聲音2丨劉威煌自爆海選心結未解曾被DQ 譚輝智被太太逼參加多次想退賽

文: 余美鳳
2024.04.20

《中年好聲音2》的幾位參賽者劉威煌、顏米羔、梁浩賢、梁思傑、譚輝智、甘永傑及王嘉明開設的YouTube頻道《輕鬆啲》大受歡迎,昨晚邀請到伍仲衡及周國豐兩位評判做嘉賓,除了周國豐難得大開金口外,幾位成員都有盡訴心中情。其中伍仲衡大爆早於《中年好聲音》第一季就已經叫劉威煌參與,直至第二季都困難重重。

同場加映:中年好聲音2丨顏米羔離婚投資失利陷中年迷失 認任性放手一搏:為媽媽爭番啖氣

中年好聲音2丨拉姑捧足兩晚場心心眼親自送禮 譚輝智受寵若驚:唔好咁快變心

伍仲衡踢爆首場海選記者會當日,工作人員向他求助,因為大家都找不到參賽者之一的劉威煌,「工作人員知我識佢,佢哋好無助,因為佢報咗名呀!全世界都搵你!突然間唔嚟,但打唔到畀佢,後來覆我話有難言之隱,威煌諗好多嘢,行一步又褪兩步咁。」好兄弟梁浩賢、甘永傑等都不知道有這件事,劉威煌才娓娓道來:「的而且確有尷尬位,聽到啲說話係:『又行番出嚟呀?要紅都紅咗啦!』呢啲會阻礙到我繼續玩呢個比賽,我當年係離開TVB呀嘛,如果再返嚟玩又要重新簽約啦,好多嘢諗!所以第一次海選我係冇去!」

連收看直播的區永權都稱知情有料爆,威煌續言:「唔講都講埋喇,由於海選冇出席,所以我參選資格係被取消呀!後尾多謝區永權同祺哥,叫我諗清楚,因為張報名紙仲喺度,勸我去玩,所以我先喺第二日海選就出現喇。心理關口去到好後期先解脫,上網好評同負評都係參半。」在第二日海選撞到顏米羔、甘永傑、梁思傑及梁浩賢,才重新認識幾位朋友仔建立友情。劉威煌另外在直播透露,將於8月舉辦兩場個人演唱會,而他亦期待「輕鬆啲」八位兄弟一齊搞演唱會。

劉威煌反爆譚輝智料,指輝智每場比賽前都想「縮沙」,輝智說:「開頭幾乎每次都想退賽,開始未夠鍾意唱歌,因為唔係成日唱。(海選唔肯嚟?)我被我老婆逼呀,去啦拋個身出嚟試下人一世。(佢唔參加?)佢成日都話我難聽嘅。」梁浩賢指起初不認識輝智,一聽完他唱歌就驚為天人,不斷鼓勵他繼續玩,不要放棄,輝智說:「我記得李浩森係第一個鼓勵我,當日係第一日正式上電視,死啦,一上電視就全世界都知我參加,因為我未知自己質素,不如退咗去唔玩,費事出醜就一世。李浩森未聽過我唱,因為佢以為都係咁,好驚,佢話難得有機會就去試啦!」眾人大讚輝智在比賽過程中改變很大,樂於面對鏡頭說話,輝智笑言:「其實我學壞咗啫!」

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【請您去】海洋公園水上樂園💦!

↓ 立即登記 送雙人門票↓

↓ 立即登記  送雙人門票↓

↓【夏日密密賞☀️】輕鬆擁有迷人電眼⚡↓

↓免費換領Clalen海外限定款IRIS彩色日拋隱形眼鏡!↓

↓免費換領Clalen海外限定款IRIS彩色日拋隱形眼鏡!↓