TVB劇集《婚後事》四位主角陳自瑤、賴慰玲、黎諾懿及羅天宇最近合體主持綜藝節目《香港婚後事》，最新一集有張振朗和朱敏瀚擔任嘉賓，大談對「約炮新世代」、婚姻觀與家庭觀的看法。期間張振朗自爆曾網上識女仔約見面，更一度語出驚人，大談對「約炮」的看法。
今晚（2日）播出的第三集氣氛相當熱熾，六位藝人圍繞《婚後事》其中一個核心思想「約炮世代，性愛分開」進行討論，張振朗自爆中學時曾透過聊天室約異性出街，更勁老土地以「紅玫瑰」做相認記認：「嗰時主要都係傾偈，傾傾吓就會試吓約出嚟。但因為嗰時好細個，咪約幾個Friend一齊，講話著咩色衫，咬住支紅玫瑰做記認咁。」
張振朗又指由於當年科技未夠發達，聊天室不設頭像，故有很大想像空間，盡顯浪漫一面：「會諗諗呢個係咩女仔，可能會諗到好多美滿嘅事情。」而張振朗當年的「網戀」最後就泡湯收場。
思想開明的張振朗又認為，「約炮」並非「不良好事情」，他說：「男未婚女未嫁，試多幾個有咩問題？約炮只係一個名，點都有愛意喺入面。」並分享了有好友由約炮演變到結婚生仔的故事。
今集繼續有情境題Q&A，包括「會否接受『多人運動』」及「約炮發生在仔女身上，作為父母可接受？」等，不過最搞笑的，莫過於黎諾懿問張振朗及朱敏瀚「會唔會揀賴慰玲做老婆」，結果兩人異口同聲因為一個原因嫌棄賴慰玲，朱敏瀚更指覺得二人在教小朋友方面很大分歧：「我試過同埋佢個仔一齊坐地鐵，佢個仔喺度郁嚟郁去，當然好乖冇搞到其他人，我就心諗如果呢個係我個仔，我一定會叫佢坐低。」
張振朗聞言即勁搞笑謂：「我估唔到朱仔已經諗到咁遙遠，完全冇呢個幻想嘅餘地。我同佢（賴慰玲）太friend，我冇諗過，我有啲想嘔。」
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
