張致恒同雯雯結婚咁耐霉足咁耐，3月份時二人終極行乞，於網上放QRCODE請善心人無償課金，並稱4月份財政問題就會因為有姐姐上工迎刃而解。不過4月時夫妻二人又因為冇交電費而再次乞錢，今日雯雯就上載片段解釋箇中原因。
雯雯先係指自己經歷咗「最難過嘅一星期」，之後播出自己戴病人手帶嘅相片，留言：「首先就係自己唔舒服，去咗急症，初步懷疑係腫瘤，要等化驗報告，同埋再深入檢查。」
同場加映： 娛樂 •逆天奇案2｜梁小冰感激老公陳嘉輝寵愛31年 歷父親弟弟離世看透人生：多愛自己
之後就到三仔天朗病，雯雯分享三仔喺病房嘅相，手仔仲插住針，非常陰功：「跟住就係到朗朗發高燒，咳到抖唔到氣，嘔（到）去睇急症，跟住到BB同寶寶開始咳同鼻水，少少發燒，去睇急症，驗晒冇中招。朗朗持續成個星期都係高燒狀態，今次去急症，分流咗係緊急，即刻照X光入院，我完全冇準備下，就陪佢一齊入咗院做一連串檢查。」朗朗更要留醫：「第一次，離開佢。留佢自己喺一個陌生地方，關埋門，佢畀人綁住，抽血。我就只可以企係門口聽住佢嗌同喊，我自己一齊喊。」
雯雯指朗朗因為咁依家每晚瞓覺都會不斷嚇醒，要捉住媽媽先再瞓：「最後，醫生話佢有輕微嘶哮症，白血球比正常底。如果返去再燒要即刻返病房。再加佢免疫力好低，好容易感染。醫院，第一晚，佢完全唔肯喺張床，我就只可以孭住佢，得歲幾又要經歷……孭左5小時，天光，终於可以放底佢。成晚來來回回見到好多唔同嘅故事，令我覺得發生咩都唔怕，最可怕係身體唔健康，好想係度祝福所有小朋友能夠健健康康。」
雯雯稱佢嘅狗狗都有癌症：「呢個星期完完全全好似我一生唔好嘅野一次過發生。短短7日時間，承受嘅壓力我已經再抖唔到氣，心身都覺得好累，我自問已經冇氣力再撐到任何的事情。」
雯雯最後交代佢一家仍然都係冇收入，冇交租之下又就快冇屋住：「最後……結尾，就係全家病哂。一個月就算姐姐到咗都冇正常工作，冇收入，換來嘅就係冇交租要搬走，但事實我地又點可能有一筆錢去租新地方。就算有，全香港都唔會有人租畀我哋。比著以往我會想盡辦法保住個屋企，乞、甚至出賣自己都要保住個屋企……但呢個星期發生嘅已經令咩力氣都冇，自己持續肚痛，仲要日日夜夜照顧朗朗、擔心狗狗。我依家就算要瞓街，咩都冇哂，我只希望所有小朋友同狗狗可以健康，唔好離開我。」
圖片來源：YouTube
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】送ZAO深層倍潤護膚套裝！↓
↓為肌膚注入保濕力量↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
