谷德昭開工肚痛急屎幾乎失守 直言想衝女廁幸得1事扭轉局面

谷德昭大談屯門肚痛急屎經歷

谷德昭早前發文大談自己急屎幾乎失守的經歷，過程峰迴路轉...

+13

+12

點擊圖片放大

▼▼▼谷德昭全文如下▼▼▼

今朝一大清早到屯門時代廣場開工，在屯門公路開始攪肚痛，忍到標汗。短訊問已在現場的工作人員廁所開咗未？答案係開咗。一落車立即根據工作人員指示標去G/F廁所，晴天霹靂，男廁原來未開。便便經已到門口，急急腳密密步四圍搵，上到三樓又未開，殘廁又唔開，開得個女廁，幾乎想衝入去，又唔夠勇氣。接近爆煲邊緣，四圍問街坊廁所喺邊，一係頭擰擰，一係指樓下，一係指三樓，即係冇，心裡嘆一口氣，應該悲劇收場，要番出九龍換褲。就在此時身後傳來如神仙般的女聲：「係咪搵廁所？」轉身看見一對年青男女，「廁所喺三樓」，女孩指著上層，即係又係指未開嗰個，「未…未開…」我經已聲都震，「呢個商場咁早男廁未開」，男孩子說，「要上三樓兜個圈離開呢個商場先有」。「吓？！」呢個「吓」字大概吓得很是急，年青男女互望一眼有默契地點一點頭，女孩子先離開，「我帶你」，男孩子說完便走，我以勉強頂得住的急密步貼住跟，上三樓兜了幾個轉，基本上我的很是急已像搭電梯仲有一層樓就到屋企般企圖衝門，「轉埋個彎就到」，男孩子指著前方，我完全來不及道謝便跑向目的地。終於在最後一秒趕得及在適當地方解脫，那剎那真的眼淚流…謹此向今早主動施予幫助的年青男女致萬二分謝意，就差那幾秒，世界便不一樣。祝你倆好心有好報，一家安康，生活快樂。

網民引用《食神》回應

谷德昭帖文引起不少網民回應，其中更有網民引用谷德昭演出經典作品《食神》作回應直指︰「有畫面」

+8

+7

點擊圖片放大