聲夢小花、After Class成學員詹天文（Windy）剛剛考完DSE，原來18歲青春少艾的她，估唔到竟如同中年男士一般，有髮線高的煩惱，早前她終於完成生日願望，大方公開植髮成功！
同場加映：馮盈盈否認為嫁豪門進修碩士 望成出色女性：提升修為最重要
詹天文青春無敵，留有長長秀髮，不過頭髮較薄的她，尤其額前髮量較少，她2021年參加《聲夢傳奇》時，明顯看上去髮線勁高又稀疏，大額頭變得好搶鏡。她曾在訪問中搞笑指可在演唱會表演露額頭：「因為頭髮嘅問題啦，即係髮際線比較後少少，所以到時呢我會…」身旁的鍾柔美（Yumi）突然「偷襲」詹天文，撥起她的瀏海，令她露出大額頭，十分搞笑。
詹天文今年3月慶祝18歲生日時，大方談及生日願望：「我第一件要做嘅事就係植髮，因為好介意前額太高，平日都遮遮掩掩，16歲嗰陣我已有呢個想法，但父母覺得涉及頭皮，始終有一定風險，所以等我18歲先畀我去做。」她早前分享童年與母親的合照，發現原來她從小已有頭髮稀疏的問題，尤其前額的髮際線十分高。
本月初，詹天文完成夢想，考完DSE後獲媽咪資助五位數字為額頭植髮：「植髮中心話我髮線有9cm咁高，之前額頭好似貓耳咁禿上去，現在變圓咗。成個植髮過程好痛，要打好多麻醉針，將我後面頭髮嘅毛囊植喺額前髮際線。雖然打麻醉針打到喊，但一切都係值得，因為終於唔使用大量髮際線粉去遮，風吹都可以抬起頭。」就近照所見，詹天文的植髮效果十分自然，她表示仍要等待長出新髮，若一年後不滿意效果可以再做。
部分網民對詹天文年紀輕輕便要植髮大感驚訝：「咁後生就要植髮」、「以為詹瑞文要植髮」，但更多人贊成如果有需要有何不可：「天生髮際線高嘛，大把後生女整咗啦」、「又真係好值得投資」、「植髮如果唔會甩返，咁有返少少自信都好」，亦有人指植髮不是男人專利，皆因很多女生壓力大，也會導致髮線高或禿髮。
圖片來源：IG、網上截圖
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】ON: THE BODY 植物萃取潔膚露↓
↓維持水油平衡／雙重呵護肌膚！↓
↓【夏日密密賞☀️】體驗最「Cheeful」夏日😍↓
↓免費換領卡樂B Cheeful® 芝士味粟米條🧀！↓
