關智斌同門師弟洪助昇（Aiden ），2019年參加ViuTV《全民造星2》比賽後，等足3年才有機會入行，日前他的粉絲「熊仔糖」為洪助昇舉行出道2周年慶祝派對。他在現場見到粉絲們為了支持自己，花了不少心思佈置，他相當感動。
同場加映：神耆小子丨鄭則士稱人紅未必係強籲保持初心 慶幸能變老：下部劇先係我嘅高峰
當日活動，洪助昇的粉絲預早到達場地佈置，場內貼滿了他由《全民造星2》時參賽直到現在的相片，無論台上或台下、甚至是電影電視等劇照掛滿現場，而且現場又不停播放他的歌曲。
洪助昇一到場見到已經非常感動，他亦有感而發，提到出道兩年，能有這麼多粉絲愛護自己，坦言十分感動。他還培白心聲，參加《全民造星2》後，曾一度擔心能否實現願望成為歌手：「比賽之後要去等一個機會成為歌手，但可以入行，其實要有好多因素，亦都有好多未知之數。好多謝公司令我夢想成真。」轉眼間出道兩年，洪助昇謂要加快腳步，儲多點歌，希望能擁有一個屬於自己的個人show。
越講越感觸，洪助昇還自爆曾好失望：「我記得《造星》之後有一段時間好氣餒，但佢哋不斷咁鼓勵我，等我出道，等咗差唔多3年，所以好多謝佢哋對我嘅堅持、多謝佢哋畀力量我。好多時候佢哋話我畀到力量佢哋，其實真真正正我可以堅持到落去，係因為佢哋。」
期間，有粉絲送上水泡，原來是跟洪助昇早前推出的新歌《你不是我的岸》有關，他笑說：「我首新歌係講『沉船』，有好多粉絲都有沉船嘅經歷，所以佢哋送水泡畀我，希望我唔好沉船，可以自救。」
對於這首歌在網上平台得到很多正面的迴響，十分開心，令他更積極：「而家好努力去籌備下一首歌，希望盡快可以同大家分享。今年多咗好多自己嘅input，又搵咗唔同朋友合作，嚟緊都會拍多啲唔同內容嘅短片，令到觀眾或者粉絲可以更加認識我唔同嘅面向，有更多嘅作品去報答大家。」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
