香港有不少行山好地方，其中大帽山算是相對輕鬆路線，更可以順道歎早茶，連美國駐港澳總領事梅儒瑞（Gregory May）早前都親身上陣，探索香港美麗山景之餘，同時前往幫襯山腰上的傳統茶樓，親自落手沏茶兼大歎自助點心，獲網民勁讚「好識食」兼「貼地」！
美國駐港澳領事館日前（29日）透過社交平台專頁發帖，分享總領事梅儒瑞（Gregory May）前往荃灣大帽山行山，指「最正就當然係去食好嘢啦」，同時附上多張相片，可見食得相當開心。
點擊圖片放大
今次Greg就走去品嚐坐落在川龍村一間傳統老字號茶樓，從相中可見，該店應為開業逾50年的「端記茶樓」，最大特色除了設露天茶座之外，更主張自助式飲茶，連Greg都自己親自去沏茶，體驗港式茶樓「水滾茶靚」的一大傳統，他又表示「我平時飲開鐵觀音」！
▼Gregory端記茶樓食點心▼
點擊圖片放大
他叫了一檯點心，例如牛肉球、腸粉、咸水角、金錢肚、炸雲吞等，美味又豐盛，飲茶同時亦不忘再飲枝樽裝維他奶。及後再順便參觀附近名物「西洋菜田」，行程十分豐富！
▼Gregory端記茶樓食點心▼
點擊圖片放大
帖文引來大批網民讚好留言，不少人勁讚Greg好識食且「貼地」，又指「佩服領事先生識得去咁多地方，感謝先生介紹香港好嘢」、「好緊貼民情」，亦有人力推一定要食當地名物西洋菜，並建議「領事先生可以考慮聯乘日本駐港總領事先生，一齊出本書介紹香港嘅地道美食與好去處，肯定大受兩國來港遊客歡迎」！
▼網民留言▼
不過，都有人留意到Greg拍照時展現的「肚腩仔」 ，笑言「你要減肥啊」、「為身體著想，食完好快快做運動」，未知Greg是否收到大家的呼籲呢？
相關文章：DSE開考！美國駐港領事文武廟參拜 掛絲帶摸金筆為考生祈福
點擊圖片放大
資料及圖片來源：Facebook@U.S. Consulate General Hong Kong and Macau
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
《社群狂歡大激賞》！送hellolulu最新系列袋款🎁！
