本港公屋長期供不應求，有人形容住公屋是「人生贏家」，亦有人因出身屋邨而自卑。有居於舊式公屋的網民從小到大都討厭住公屋，並列出公屋5大罪狀包括隔音差、無獨立房、多低質素的人等，更批評有些人貪圖公屋租金而不思進取，寧願做個「廢人」。此番言論引來其他網民批評，指事主所言並非完全事實，並逐點反駁。
同場加映：
管家王｜實測街市裸買兩餸一湯慳幾多膠袋？ 無包裝購物2大好處
該網民在Facebook群組「公屋討論區 - 香港facebook群組」發帖，指從小到大都十分討厭住在舊式公屋，不明白為何會有人喜歡居於公屋，並且力數公屋的5大罪狀：
1.無乾濕分離
廁所無基本乾濕分離和抽氣扇，濕氣令天花油漆受潮剝落「甩皮甩骨」。
2.氣窗滲光隔音差
舊式公屋單位氣窗對著走廊，走廊的光線照入屋影響睡眠，同時影響隔音，隔壁鄰居的哭聲和吵架聲都聽得一清二楚。
3.垃圾扔門口
家家戶戶都把垃圾扔在門口旁邊，令整個走廊都污糟邋遢。
4.小朋友無獨立房
事主又指根據公屋個分配機制，難以每人都有獨立房間，兄弟姊妹能共用房已經算比較好，有不少人要睡在客廳或者要在廳裡溫習做功課，沒有個人私隱。
5.多低質素的人
他批評屋邨有很多「低質人種」，公園和商場都坐滿聚賭或無所事事的老人家，晚上就有不少四處遊蕩的青少年和「道友」，又指巴士站經常有精神異常的人借錢坐車，早上又不時有晨運長者大叫和拍手，滋擾到其他人。他更斷言：「私樓唔係冇，但一定少好多，小朋友係呢啲地方（公共屋邨）成長嘅好多都受影響變成呢啲垃圾人種。」
事主狠批有些人貪圖公屋平租，於是不發奮向上游，選擇「一世做個廢人」，指公屋戶尋找交往對象時即使打扮得光鮮亮麗，但只要一開口向人自認住公屋，印象就大打折扣，
「唔使同我講咩住緊地鐵站上蓋公屋好方便，呢個係你好彩分到啫，實情係你根本冇得揀，政府分畀你就要硬食，大把公屋係啲偏遠地區。咩嘢租金平、大把錢淨享受人生，多啲出去見識下呢個世界，住咁基本嘅嘢都未搞掂根本講唔上係享受人生。」
網民逐點反駁
雖然有少部分人贊同事主所言，但同時亦引來許多網民批評，直言「有頭髮邊個想做癩痢」，只因香港樓價太高市民才需要入住公屋，認為應該要知足，「你覺得香港樓價好多人負責到？有得揀邊個唔想住豪宅？邊個唔想住好啲？」
亦有人為公屋平反，指出事主所言並非完全事實， 「乾濕分離同抽氣扇可以自己整，舊屋至有氣窗，新型嘅氣窗無咗好耐啦喎，我嗰邊冇人將垃圾扔喺自己門口，我都有自己房，同你講嘅嘢好多都唔一樣」。有網民表示雖然公屋住戶品德質素參差，但事實上也有不少品德好的人，而私樓出身的人亦不等於情操高尚，「我見好多好多出身公屋嘅人士，比你口中所謂嘅私樓出身嘅有質素好好多！」
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
