芷珊約您丨黎芷珊入行40年被插訪問零分全為討好嘉賓 內容唔入肉:唔係睇你電話簿數星

文: 余美鳳
2024.06.05

黎芷珊2012年於萬千星輝頒獎典禮憑節目《最佳男主角》奪得「最佳節目主持」獎,而上得佢節目嘅都係巨星或者話題人物,因此唔少人都對節目《芷珊約您》有所期待。不過日前芷珊嘅表現就被彈到一棟都冇,唔知睇咗嘅大家又有冇同感呢?

同場加映:中年好聲音2丨譚輝智為仔女做好榜樣追求成就 公開得獎感言:勿讓渺小顧慮成絆腳石

黎芷珊主持嘅清談節目邀請到嘅嘉賓粒粒皆星,一連8集嘅《芷珊約您》就約到溫拿、張敬軒、草蜢、王嘉爾、許志安、陳慧琳以及楊千嬅做嘉賓,見到呢個陣容都不免令人有期望,其中許志安更加係首次於專訪中提起「安心事件」;而楊千嬅亦係首次就被fans唾棄剖白,然而訪問內容令到唔少觀眾都大失所望。

芷珊約您丨陳慧琳爆曾遭女歌手使橫手搶獎 疫情肥足20磅狂推Job唔敢見人

許志安節目中提到「安心偷食」時表示:「呢個傷疤會跟住我一世,成為提示我做人嘅方向。」而芷珊未知係咪為咗保持二人友誼,可以話係未點到已止,冇再深入問落去,網民都大彈訪問「內容唔入肉」,睇完好似睇咗陣風咁。另外,黎芷珊亦活用徐子珊《My盛lady》中教嘅港女必勝回應大法,經常都以「真係㗎」對應各式各樣嘅答案,以不變應萬變,就算你冇聽人講咩,咁樣答都一定冇死,黎芷珊只係爭在未問埋「咩嚟㗎」。

 

有網民睇完楊千嬅一集, 表示令佢更加討厭楊千嬅,更大插芷珊所有問題,都只係為方便受訪者「讀稿」,同時方便佢討好受訪者,更指佢訪問技巧,如同「搵紙刀鋸牛扒」,令觀眾失望:「你想觀眾點樣?睇你phonebook(電話簿)有幾星級?不要這樣啊,不要學人成為令觀眾失望的人啊。」網民同時指製作團隊以《東張西望》「何伯何太」思維譁眾取寵,刻意用啲楊千嬅喊得肉酸嘅畫面,反而唔去令更內容實在。另外,黎芷珊每集固定「畀一個小秘密我」環節都被嫌棄,可能大家都真係冇秘密,明星們分享嘅秘密都真係好「小」,小秘密到去阿婆都唔想知嘅程度,完全無法為節目最後帶嚟爆點,令人以為有高潮卻只係帶嚟更大嘅失望。

黎芷珊擁有四分之一葡萄牙血統,黎芷珊姑姐為黎婉華,是已故賭王何鴻燊元配。黎芷珊參與歌唱比賽時被當時著名的音樂人安格斯發掘,1984年初與陳樂敏及陳慧嫻一同推出首張唱片《少女雜誌》,其後在姑丈何鴻燊安排下加入無綫電視,成為兒童節目《430穿梭機》及《閃電傳真機》主持人。離開兒童節目後曾於多個資訊節目擔任主持,包括《香港早晨》、《K100》、《城市追擊》、《東張西望》、《七百萬人的傳奇》等,亦曾為娛樂新聞台擔任主播。 2012年黎芷珊主持《最佳男主角》嶄露頭角,觀眾們方知佢人脈極廣,天王巨星都非常畀面佢做嘉賓。

圖片來源:INSTAGRAM

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】「唧唧裝」驅蚊劑!↓

↓滿分好評!一支驅蚊+防床蝨~↓

↓滿分好評!一支驅蚊+防床蝨~↓