雯雯爆再被Cut水Cut電續鬧張致恒 「冇攬小朋友自殺已經好叻女」
張致恒（Steven）近日IG報喜終於完成「強制性基本安全訓練課程」獲發平安卡，即網上求職希望可以搵到即日出糧的工作，以幫補家庭的收入。當網友們以為他生生性性，總算可以學吳浩康咁有個新開始時，他的太太雯雯跟網友IG互動期間，突然怒火中燒，狂鬧Steven，更揚言：「我冇攬埋啲小朋友自殺，我已經覺得自己好叻女！」今早更爆再被Cut水電，情況令人憂慮。
同場加映：父親節快樂｜ 鄭俊弘兒患天使綜合症最享受沖涼 感激囝囝：佢令我學識活在當下
雯雯主動撩網友們傾偈互動，當網友問候她時，她除了多謝外，更繼續不斷放負說：「一啲都唔好」、「（身體)麻麻地」、「長期要跑屋企嘅數，點會快樂？」等等，網友們都難免擔心小朋友的情況，問到小朋友夠唔夠錢食飯，雯雯說：「租都未有得交呀！」、「差唔多架喇（被業主趕走）」，她表示自己腫瘤方面正等候政府排期，至於是否後悔嫁畀Steven，她說：「後悔都冇用，都唔會解決到宜家嘅困難。」有網友建議她交換位置由她返工，雯雯說：「咁就希望佢有耐性日日照顧，唔好係咪都發左憫憎（咗䒐䒏）先。」
未知是否網友的留言激發起雯雯的情緒，她連發多篇文鬧爆Steven，「我心裡當你透明，就當屋企多個工人」、「記住，我一開頭點保你，我宜家有幾顛（癲），顛（癲）嘅情（程）度都係你堆積做嘅好事做成！」、「租都冇得交，水費冇得交，面臨全家冇屋住，真係仲可以有得食就食、有得瞓就瞓，仲可以態度一句：『我宜家係冇！』次次一句冇，一句唔夠，就一定要我死掂佢！係呀，我就係咁過份，鍾意公開晒鬧，鍾意發顛（癲），我保佢嘅時候你唔講？」、「我就係鍾意用呢種方法發洩，我冇攬埋啲小朋友自殺，我已經覺得自己好叻女，如果唔係兩個需要特(別）照顧，一個身體差，我真係丟低晒話知你，出去做嘢，次次話靠你真係食屎！」、「出面全部比（被）人追嘅都係我面對同解決，我又要屋企照顧，我唔識變錢架（㗎）大佬，次次面臨大問題，若無其事去瞓覺。」
雯雯續言：「我唔會再忍，亦唔會再受你氣，我冇嘢輸唔起，大不了全部放棄！我受夠你囓不可一世態度！」、「出新聞咪出新聞，我都出晒名顛（癲），爛命一條，大不了咪離開。」此言一出，令不少網友相當擔心，未知是否紛紛留言勸阻雯雯，她隨後都再出Po回應：「放心我未會死住，我答應個仔會同佢去海洋公園，我一定會完成埋先走，宜家好攰，只希望有方法，可以令自己平靜落嚟。」直至今早，雯雯再次發IG Story說：「屋企又Cut電同水，你究竟想點？！見我唔舒服想我死快啲？」不過留言火速刪走，到底係咪誤會一場？
港生活人氣本地熱話
【旅途無蝨】請您用AQUA PRO+TECH「驅蚊大師」滅菌驅蚊液 ！
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
