近日有打工仔在討論區上，發文力斥香港返工文化簡直是「垃X圾」。他在文中提到公司最近有00後新同事入職，對方工作表現出色，工作能力高又願意協助其他同事，卻因為2件小事被上司照肺，最終新同事「條氣唔順」選擇辭職走人。帖文引起網民熱議，惟留言反應兩極，即入內文睇網民有咩睇法啦！
該名打工仔於LIHKG討論區發文，稱公司近日聘請了一名00後新同事，對方工作表現良好，「返咗無幾耐工已經學曬個Post（職位）要做啲野」，工作效率高，又大讚他「做得快又幫到手」，每日返工除了完成自己份內工作外，亦會幫同事分擔工作，不會在公司呆坐等收工。
點擊圖片放大
不過，由於新同事會在上班期間玩手機遊戲，時不時偷偷落街食煙，種種行徑令上司心生不滿，「呀頭見到就唔鐘意啦，捉佢去X」，最終這名新同事亦因為「條氣唔順」決定辭職。樓主對於上司做法感到不解，他直言「今次嚟個𡃁仔做到野又可以幫到其他人手，冇野搵野嚟X」。同時，樓主更在文中直斥香港返工文化簡直是「垃X圾」，並無奈慨嘆道：「香港管理層幾時識得睇化啲」。
點擊圖片放大
很多網民都認同樓主看法，實在不解老細為何要解僱這位新同事，「華人社會最鍾意欺壓下屬」、「欺善怕惡係人類社會永恒真理」，不少人慶幸新同事果斷辭職走人，直言「呢個00後值得更好」、「我哋80 90後冇用，做咗半世奴隸，希望靠00後整頓職場文化」。
但亦有網友認為上司做法並無不妥，直指00後新同事舉動無疑是「做壞規矩」，破壞整個辦公室氛圍，「做得快=特權？」、「做得慢，但其他人睇到佢係做緊野；做得快，但比人見到佢hea，就會有人跟住hea」、「呢種做壞規矩最麻煩，俾我都炒佢」。並指出該00後實在「太老實」，並不知道香港打工仔的日常就是「扮工」。
來源：LIHKG討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
【登記領取💰】Facesss HK$200現金券！
↓無最低消費要求～免費入手美妝護膚品🛒💗↓
