近年港府嚴厲打擊濫用公屋，加強巡查和舉報，但仍有不少人抱住僥倖心態霸佔公屋。早前有港人在社交群組發文，指同事朋友獲派公屋單位後，竟以「等抽居屋」為由堅拒入伙，樓主聽後感到相當疑惑，於是網上發文詢問「可以咁玩法咩？」
該名港人於Facebook群組「公屋討論區」發文，指早前公司同事的一名朋友疑似透過「特快公屋編配計劃」，成功獲派了一個公屋單位，不過朋友卻遲遲未入伙，刻意丟空單位，「一路唔入去住等抽居屋」，樓主聽後非常無奈和不公，他直言「可以咁玩法咩？房協唔會催你入伙咩？」
▼原帖文▼
點擊圖片放大
帖文引來網民熱議，很多網友看後都建議樓主向房屋署舉報，紛紛留言鬧爆「一定要去舉報佢，執三千蚊花紅」、「人地排到就死都無屋，佢就有屋唔住...浪費哂！」、「空置單位算是濫用公屋，會收回單位」。亦有網友對於同事朋友的做法感到不解，一來獲派「特快公屋」的租戶都需要過冷河，才能以綠表購買居屋，而且絕大部分「抽綠表」的人都會簡單裝修公屋、入伙交平租，而不是選擇「白交租」。
點擊圖片放大
另有網友指出，房屋署有明文規定30天內就要入伙，即使因裝潢而推遲入伙時間，亦會派房署職員在租戶完成裝潢後進行家訪，因此對同事朋友的說法存疑，「依家有不定期家訪，同睇你水電錶係唔係正常入住，如果唔係好快會比人收回單位」、「我整完，屋主任有走上嚟家訪，睇你住人未喎」、「會催你入伙架，我朋友試過」。
」，
App內睇文同睇片可隨時捕捉U Fun彩蛋，
換領現金券及禮品！
【請您去】海洋公園水上樂園💦！
↓ 立即登記 送雙人門票↓
↓【限時搶⚡】味道研究所拿坡里薄餅味Shake Shake粉🍕↓
↓ 想幾時食到薄餅味，拎起一Shake，即時食到！↓
