中港婚姻哀歌？最近有一名火爆香港人夫難忍情緒，當街當巷指責同行的內地妻子「唔識教仔」，期間大聲呼喝「香港教細路仔唔係咁樣」，惹來途人注目，當時手抱小孩的妻子被罵至哭不成聲，部分旁觀者都睇唔過眼，惟遭對方以粗口慰問，大批網民直斥「影衰香港人」！
中港生活文化雖大有不同，但多年來仍有不少跨地婚姻，中港夫婦「愛無邊界」亦難免易起衝突。近日網上就流傳一段影片，顯示香港一名火爆人夫，疑因不滿其內地妻子任由孩子「瞓地下」，而當眾大聲呼喝妻子「唔識教仔」，妻子聲淚俱下，連小朋友都嚇得不斷嚎哭，瞬間成為網絡焦點。
人夫持續指罵妻子足足達3分鐘多，內容包括「你咁樣落去，（佢）將來得一條路」、「你根本唔識教嘅！有冇細路仔瞓地下」，由於聲量極大，引來不少途人側目，小朋友都被嚇哭。有人看不過眼上前勸說，連入境處職員都到場了解事件，但全部人都被人夫喝斥，「行開啲、行開啲！唔關你事」！
▼影片截圖▼
點擊圖片放大
女途人上前好言相勸 人夫怒斥：唔關你事
入境處職員遭人夫鬧爆：你入去做返你嘅嘢
最後一名男子上前勸人夫「唔好勞氣」，並籲他保持冷靜；入境處職員就上前與女子對話，影片至此結束，及後在網上廣傳，引起大批網民關注。不少人揶揄表示「唔係個個都好似何伯新何太咁恩愛嘅」，但都有不少網民留言批評人夫「垃圾」不懂尊重，「自己粗口爛舌又鬧老婆唔識教仔」、「男人將教仔責任推晒女人身上」、「真係男人嘅羞恥」，更有人鬧其「影衰香港人」！
▼網民留言▼
資料及圖片來源：Facebook@香港突發事故報料區及討論區
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】ON: THE BODY 植物萃取潔膚露↓
↓維持水油平衡／雙重呵護肌膚！↓
↓【夏日密密賞☀️】小魚兒海鮮盛宴😍 ↓
↓ 烤魚二人餐 / 龍蝦二人餐 / 炭火風味烤凌波魚 / 澳洲龍蝦！↓
