若你也喜愛手工製品，欣賞手工藝品那盛載著人的溫度與感情的獨特，推薦大家去沙田碰碰運氣。近期又有沙田居民分享區內婆婆製作的編織籃，只要$10就買到精緻且實用的小膠籃，隨時比$12蚊店抵買。帖文引來不少網民留言想買，即睇係頭最易遇到婆婆喇！
近日有沙田居民在Facebook群組「Go Go Shatin」分享自己購買的手工編織膠籃，根據網民所述，膠籃由一名活躍在該區的94歲婆婆所製，手工不馬虎用色搶眼，售價更只要$10，認真抵買。網民籲「大有大好，細有細好，幫襯吓支持吓婆婆 多少都係一點心意」，展現沙田區居民有愛一面。
點擊圖片放大
參考群組其他帖文，這位售賣自家製編織袋的婆婆無固定擺賣地點，多是於區內各處遊走，有網民曾在瀝源天橋、瀝源橋底、禾輋商場天橋、第一城遇到婆婆。容量較小的手工袋只要$10-20，大版可能要$50起，編織籃挺身硬淨，當手袋或購物袋用都得。
不少港人到泰國旅遊都會購買當地名牌goodgoods的菜籃編織袋，現時在香港都有做工不錯的編織籃，有緣相見不妨考慮買一個返屋企，支持婆婆的努力和創作。編織籃配搭夏日清爽裝束相宜，買餸裝物亦輕身方便。∇按圖睇網民購入款式∇
來源：Facebook群組
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
