MIRROR成員Frankie（陳瑞輝）嘅女友日前被爆醜聞，事件發酵近一星期，雖然幾日前Frankie已經出聲明，但都無礙網民繼續爆料，而且仲愈爆愈難睇，連累埋隊友中槍。今日MIRROR隊友AK（江𤒹生）新歌MV首播，現身回應事件。
AK（江𤒹生）今日發布新歌《偽映畫預告》MV，《偽映畫預告》拖咗兩年先終於面世，MV用多套電影造型與場境等拍成一條短片，誠意十足，AK更即席扮演Rose&Jack，非常爆笑。AK更將價值$20、MV中嘅道具「海洋之心」送畀fans，fans一樣都好冧豬，AK都表示「物輕情義重」，不過AK就婉拒同FANS玩「You jump i jump」，擔心fans人身安全。AK下個月將會開個人演唱會，上星期已不停排舞、做gym，原本想增磅都因為消耗太大體重難以上升，而AK喺戲院中都戴住太陽眼鏡，原來仍受眼乾症困擾：「唔係真係淨係想有型，因為望得太耐強光會標眼水。（咁演唱會點算？）所以依家養「睛」蓄銳，喺演唱會睥實大家！」
被問到有冇被「皮皮女友事件」影響，AK就表示正專心準備演唱會同宣傳新歌MV，無損心情：「我冇特登開嚟睇，SOICAL MEDIA點都有彈出嚟，冇深究太多，始終係兩個人嘅事。」佢又指同皮皮都有CONTACT：「通過一次話，大家有輕輕交談過呢件事，佢有一定壓力。」講到點認識Christy，AK就表示：「有COMMON FRIEND，講啲跳舞上嘅TOPIC，都冇講太多嘢。（點解會開始對話？）要彈出通知，可能咁啱經過，STORY見到有興趣覆就覆。」
AK表示自己經過今次會小心啲：「可能網上同人傾偈都會再小心啲，經一事長一智，以後做咩更加小心，自己公眾人物。」佢指自己本身私下同Christy冇溝通，唔知點解會演變成追求對方，佢幽默表示：「我都唔知……啱啱千幾人（FANS們）嗌我老公，嗌我阿媽奶奶，我都好難逐一交代。（咁你到底有冇追過Christy？）我自問就冇。」講到佢封鎖咗Christy一事，佢就大呻無辜：「IG成日有啲問題，我早排UNFOLLOW咗花姐，早排BLOCK咗同UNFOLLOW咗一啲人，包括一啲朋友，可能手指肥……SOICAL MEDIA勿太認真，朋友關係唔會因為FOL唔FOLLOW而影響。」問到有冇𠱁番花姐，佢就話：「我即刻follow番啦，唔follow番仲企到喺度？叻仔嚟㗎嘛。」
被問到同沈殷怡（Shirley Sham）係咪真係拍拖，佢就表示：「我都唔好意思搞到阿沈，無啦啦發酵到影響到佢，同咗佢講，佢覆我：『演唱會準備加油』，同佢識咗好耐，一直都係好朋友。」另外，AK更斬釘截鐵表示自己現時係單身，專注工作同演唱會，會盡量keep番正常社交生活，其他人講咩自己都控制唔到。而被問到身為副隊長，會唔會覺得事件影響MIRROR形象，佢就表示：「（事情）發生咗對唔同人一定有唔同影響，希望大家可以盡快解決，繼續生活。」有傳Frankie因為咁喺新戲戲份被刪減，AK就表示：「我真係唔知，我職位牽涉唔到呢啲嘢，膊頭冇花。」
AK又爽快咁講到呢件事唔會影響佢同皮皮嘅兄弟情：「見面唔會尷尬，始終大家都係兄弟。」佢指皮皮都有同兄弟們以及公司講過自己拍拖，亦知女方身份，不過實際幾時同佢哋講就唔太記得：「佢有同我哋講聲，公開之前有同我哋同公司講聲先。（係咪同Frankie都鍾意差唔多嘅女仔）我哋冇咩傾呢個TOPIC……好難HANDLE。」
快將36歲嘅上星期公開多謝女友於粉絲活動中幫手影靚相，引發女友Christy被連環爆大鑊。
網民為Christy 社交平台Instagram嘅密友，可以睇到一啲唔係個個都睇得到嘅限時動態，而呢位網民就由Christy 2021年嘅限時動態開始公開，Christy當正IG係日記咁用，不時大曬身材，更自爆自己以做人第三者為樂，同時周旋於多個男子之間，言論驚人。Christy又不時cap出自己同Frankie嘅對話，間接爆埋男方同前女友分手之前已經同佢關係曖昧，令Frankie形象破產。
另外，Christy又以同AK對話令Frankie呷醋，指AK「係咁TEXT我」，最終AK喺原因不明下封鎖Christy，Christy就認定係AK女友逼AK封鎖自己，更開名指沈殷怡就係始作俑者，而大鬧對方係「大陸阿嬸樣三線奀星」，仲指AK一直都有「偷食」，令愈來愈多人牽連其中。
採訪：王連連
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
