網上不時有人投訴，有市民或遊客在連鎖快餐店進食非該餐廳的食物，霸位影響其他食客堂食。近日又有網民在社交平台發文，指有3名老婦自己帶餸菜到連鎖快餐店進食，只點一碗飯就霸一張4人枱3人用膳。帖文引來網民熱議，不少網民批評影響他人無公德，但同時有人認為應對老弱多點包容。網民曾投訴至區域經理，情況一度改善，惟「兩日就打回原形」。
日前，有網民在Facebook群組「新•大家樂討論區」發文，批評有人攜帶外來食物到連鎮快餐店內用餐。據網民稱「3人由下午茶時段坐到晚餐，仲要自己帶餸入嚟食」，更令網民不滿的是，3人自備花生食到整張枱都是花生殼，「執枱阿姐叫佢小心唔好跌落地下，已經掃地3次，佢就話叫經理炒咗你嗱，你咁老冇人請你。」
從圖片可見，她們的枱面有疑似不屬於快餐店的餐具及菜式，同時有多個大家樂膠碗。網民回覆留言時透露3人的點餐方式，「你睇自己帶魚嚟，再加個自己炒嘅餸，坐出面嗰個買個最平嘅飯，叫加飯就可以3個人食，而家係佢哋啲朋友又係咁，叫一個飯就幾個人分開食㗎喇。」
即睇事發經過
網友批評恃老賣老 影響他人用餐及餐廳生意
帖文引來網友熱議，有人批評「恃老賣老，乞人憎」、「沒有公德」、「人哋打開門口做生意㗎，要交租，伙記人工，燈油火蠟，樣樣都係錢。朋友聚首可以選擇去長者中心或公園坐囉！」有留言網友更稱她們霸位影響真正堂食用餐的顧客，「上次嚟都見到佢哋，幾個人就霸兩、三張枱，袋又一個位，放個杯又一個位，好多人捧住個餐都搵唔到位。」亦有人認為餐廳負責人應該要出聲阻止，不過有網友認為難制止問題，「相信經理有警告過，實際上 刁民 不會理會你，只會招來惡意及不合理語言攻擊，公司不會幫同事，結果乍看不到吧了。」發文的網民表示自己已投訴至區域經理，對方亦即時處理，不過就長期而言難改變這群食客。
另一派網友質疑拍照公審不妥當 呼籲包容長者
有網友批評「老人家聚腳都要俾你話，我就預先恭喜你將來老左日日喺阿一鮑魚食飯。」、「年輕人有手有腳咪揸架車去香格里拉食野囉，點解阿婆攞綜援喺公屋低級下欄快餐食野都咁多野講」、「基層的生活就是如此了 總之大家包容下啦！」踏入7月天氣炎熱，有網民認為各大連鎖快餐店及商場成為長者消暑地方，呼籲「就當一種敬老運動吧 大方一點。」
」，
App內睇文同睇片可隨時捕捉U Fun彩蛋，
換領現金券及禮品！
↓【全城招募120隻毛孩】試用腳掌潔護SPA泡泡！↓
↓登記攞禮物番屋企↓
【請您試用】韓國夏日防曬套裝☀️！
↓ 一次試勻4款防曬好物↓
