近日就有港人網民在社交群組上分享「公屋全爆」過程，表示該單位約450多呎，他打算用3個月時間全屋全爆，就連廁所廚房亦有部分牆壁拆掉重做，以及更換多處門窗等多項工程。由於港男「識做裝修同大陸有家俬廠」，他預計全屋裝修費、傢俬電器只需「30萬可以埋單」。相關帖文很快引起網民熱烈討論，但大多數人卻紛紛提醒港男要小心，「唔拆得㗎，要你還原你就大鑊」、「留晒證據等睇」，即入內文睇詳情啦！
港男公開450呎「公屋全爆」過程引熱議
該名港男於Facebook群組「公屋討論區」上，近月多次發文分享其「公屋全爆」過程，從他上傳的照片見到，港男不但把原先的廚房門、廁所門拆掉，就連單位內的鋁窗連框、部分牆壁亦被拆除，難怪帖文一出就引起一眾網民熱烈討論...
▼按圖看完整事件（有圖）▼
網民誤以為港男「未入紙」便把公屋全爆
帖文一出，隨即在網上引起關注和討論，但不少人都誤以為該公屋單位為租住，於是紛紛笑稱「留晒證據等睇」、「公屋富戶，查得出來」、「唔拆得㗎，要你還原你就大鑊」。亦有網民得知港男已購買該公屋單位後，指出現時香港買公屋不划算，一來公用地方、公設維修費不便宜，二來公屋裝修規範多，需要跟隨公契規定，並在裝修前須向物管公司申請，「其實買咗都要睇公契俾唔俾拆，同埋好多都要入則先做得，希望你做齊手續先開工」。
港男回應獲網民大讚：香港買公屋＝真正人生勝利組
而港男亦有回覆，表示該單位於20年前已購入，加上裝修前亦有詢問管理處，「（管理處）話唔係主力牆，可以比我地拆，因為我地好多買咗住戶都係拆咗，佢裝完會上嚟影相」。至於網民提到的天價公用地方、公設維修費，港男則認為毋須太擔心，他指出「就算買咗外牆都係房署負責，因為試過，屋入面自己負責，招標個d唔知道」。
亦有不少網民看後紛紛表示「租就唔得，買咗無所謂」、「人地買咗間屋，點整都得架」、「玩到咁應該都係一早買咗架啦」，並指出今時今日在香港買公屋簡直是「真正人生勝利組」。
網民提供公屋裝修小貼士
此外，亦有網民提供裝修建議，表示單位內裝修大多都會「從上而下」，由天花開始才到牆身，最後才會鋪上地磚，這樣才能減少地磚被刮花的風險，同時又力勸港男裝修時最好低調一點，直言「槍打出頭鳥」、「裝修過程記得門常關，唔好比咗鄰右里睇到」。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Mrs. Fields Cookies聖誕陶瓷盤連芝士鹹鬆餅！↓
↓ 煙肉洋蔥香蒜/粟米洋蔥 /雜菌香腸洋蔥↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
