《東張西望》報道何伯和新何太的個案引起全城關注，FB發起的「何伯&何伯老婆關注組」群組一直都有更新，繼續關注及討論兩人的事態發展，近日新何太開直播期間，大爆有意離婚改嫁去美國，更有計劃帶埋何伯去當地做管家，網友大感驚震，沒想到兩人關係已經起變化，跟上兩個月鏡頭前親熱恩愛的夫妻已經不同。
有網友特別截取新何太的直播影片，片中所見，新何太見到何伯不小心擋住畫面，即時大聲喝罵，鬧何伯教而不善，「做乜又俾人影到你啫？」何伯立即驚青道歉：「唔好意思，攞隻杯啫！」新何太不理會，一臉嫌棄繼續飆高音鬧爆：「你兜過去攞唔得呀咩？你係咪教唔精呀，都要俾啲藉口人去封我號！」
何伯和新何太的個案兩個月前備受關注，一度成為全城熱話，《福祿壽訓練學院》當時火速抽水，由李思捷和阮兆祥分別飾演何伯和新何太，引發觀眾笑到肚痛。當時，網上有不少聲音稱期待《愛回家之開心速遞》可以抽水，更搵定心水角色是根叔（劉丹飾）同群姐（許思敏飾）去演繹何伯和新何太的故事。
沒想到事隔兩個月，《愛回家》的編劇收到網民的意見，真的翻拍何伯的故事。TVB娛樂新聞台外景主持劉倬昕在IG分享一張合照，她留言說：「諗住去初戀Cafe嘆個下午茶，竟然比（畀）我撞到鵝太，大家有咩說話想同佢講？ #愛回家之開心速遞 #群姐 #許思敏」相中的許思敏打扮跟最初新何太接受《東張西望》訪問的服裝、珍珠首飾和髮型都似到十足十，暫時未知道邊位扮演何伯的角色，未知會否能夠再下一城，贏埋扮嘢高手阮兆祥呢？
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
《社群狂歡大激賞》！送hellolulu最新系列袋款🎁！
