銅鑼灣地帶夾公仔店冒起！近年香港各大商場不難見到夾公仔機，其中港島潮流之地之一的「銅鑼灣地帶」亦加入夾仔公熱潮，大批夾公仔店進駐商場內營業，記者實地遊覽一番後，發現全棟商場最少有逾20間夾公仔舖頭，並受不少年輕人、學生、情侶歡迎，當中包括有海量的人氣日本卡通Chiikawa公仔、生蠔BB、SANRIO公仔等，部分更推「夾2送1」優惠。
銅鑼灣地帶變夾公仔場 海量人氣Chiikawa公仔吸客
全港各大商場都愈開愈多夾公仔店，繼觀塘廣場、西九龍中心、紅磡廣場、旺角銀城廣場、葵涌廣場等商場，夾公仔機熱潮同時殺入港島區商場。銅鑼灣地帶位處銅鑼灣港鐵附近，屬購物中心地段，商場總面積共37,000平方尺，擁有超過160間潮流店舖，以售賣日本及韓國直接進口服飾、精品及時下流行男女裝為主。不過，近月商場都加入夾公仔潮流，頻開夾公仔店吸後生客！
直擊最少20間夾公仔店進駐 遍佈商場各樓層
記者現場統計，商場合共最少坐落20間夾公仔店，遍佈全商場各樓層。大部分夾公仔機都有售賣日本爆紅人氣卡通Chiikawa公仔，包括大型攬枕、毛公仔擺設、小型掛飾。此外亦涵蓋多款人氣卡通，如生蠔BB、SANRIO、Pokémon、韓國粉嫩兔Esther Bunny、模型等，部分推出「夾2送1」、「夾3送1」等優惠。
▼銅鑼灣地帶直擊▼
商場內雖然有部分店舖未有出租，但亦未見太多吉舖。商場的各個角幾乎都可以見到夾公仔機身影，基本上每數間店舖就會見到一間夾公仔店，而且電燈用色相當光猛，非常顯眼。晚上時間亦有不少年輕人、學生前往閒逛，兼挑戰夾公仔。
翻查資料，銅鑼灣地帶早於今年4月時，已經透過社交平台分享有各式各樣夾公仔機進駐，公仔更會不定期換新款，部分機可以使用轉數快（FPS）、支付寶香港（Alipay HK）等電子支付，完全無需擔心沒有足夠零錢夾公仔。
夾公仔機持續開店 網民：走向死場先兆？
夾公仔愈開愈多，早已引來不少市民討論，有人認為開夾公仔機或意味著是「走向死場」的先兆；但都有人投訴香港夾公仔機蠱惑，「香港果啲拎大大把鐵尺，大大塊膠板擋住個中獎位」。不過，有市民認為夾公仔無需人手顧店，成本低變相更容易營運，因此愈開愈多不出為奇。
▼網民咁講▼
▼葵涌廣場夾公仔店冒起▼
葵涌廣場被喻為「掃街勝地」，除了集合大量美食小店，更有各類平價服飾、格仔舖、手機維修等店舖，不過隨著近年夾公仔熱潮盛起，商場大量夾公仔店冒起，現場所見已有超過1,000部公仔機進駐，分別佔據4層商場，吸引部分市民奮力夾，但都有店舖無人吼。
▼夾公仔機間尺膠條封出貨位▼
夾公仔機熱潮盛行，然而香港的夾公仔機不時都被指「出術」，以致相當難夾，引人詬病。除了設置機爪的鬆緊度，最近有市民更「大開眼界」，見到有夾公仔機使用間尺、膠條等大封出貨位，公仔要跌下來就難上加難，有網民直言「根本搵笨」。
▼觀塘廣場變天夾公仔機攻陷▼
觀塘廣場大變身？近日觀塘廣場有指進駐了大批夾公仔機，引來不少人討論商場舖位「大換血」，認為「經濟差」致夾公仔店愈開愈多。記者今次就親身直擊，實地觀察觀廣是否真的「變天」？
資料及圖片來源：Facebook@銅鑼灣地帶 Causeway Place、UHK港生活
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【限時搶⚡】請您食卡樂B Potaland® 酸忌廉洋蔥味薯片！↓
↓ 濃郁開胃的酸忌廉味 + 香氣四溢的洋蔥味！↓
