MIRROR成員陳瑞輝（Frankie）今日36歲生日，早前因圈外女友Christy被爆黑材料，令他身陷出軌風波。Christy趁男友生日送上厚禮，將IG轉為公開並撰長文為自己平反，自稱一直遭「密友」改圖誣蔑：「想搞死埋我男朋友及MIRROR！」她更表示因「被人控制住」，所以到今時今日才發聲。
Christy在6月公開自己的皮嫂身份後，網上立即流傳她一系列IG密友stories，例如她自認曾多次做第三者，曬命被Frankie追求、獲AK江𤒹生「撩傾偈」，及後被AK block IG及遷怒沈殷怡等等。從IG stories的時間線更爆出Frankie疑似背當時女友出軌追Christy，令Frankie形象插水。事件引發脫粉潮，但仍有不少「皮寶寶（Frankie粉絲）」不離不棄，為Frankie發起一連串生日應援。
Christy將IG轉為公開，原來早在16日已po上一系列「黑歷史」的精選限時動態，留言：「記得click埋入去睇我嘅黑歷史，以後唔使旨意再改我圖誣蔑我，扭曲事實帶風向誤導其他人。」她上載多張cap圖，以多段文字解釋自己上載與Frankie及AK的私下對話截圖，只是為了「捉鬼」，揪出一直偷偷改圖誣蔑她的嫌疑犯：「首先我要向所有受影響人士致歉。呢件事要由2021年9月13號講起，朋友告知我俾（被）人放上tg group同連登，內容係誣蔑，指我鍾意搶朋友嘅男朋友，中學生活淫亂，等等。我留意到某啲相片，係我IG早已刪除，所以肯定係身邊熟人做。由21年9月到12月，間中都會再俾（被）人偷我泳衣相、跳舞相放上網抹黑、收到騷擾電話及訊息、扮我嘅假acc等等。」
Christy強調在Frankie同意下上載私訊cap圖：「21年12月頭，我透過跳舞朋友認識咗AK及Frankie，當時我有朋友提議『捉鬼』，所以就將普通對話圖放上close friend story。一開始，我同Frankie講咗呢件事，佢應承幫我捉鬼。所以我有叫佢send相同錄音畀我，令隻鬼信我係同真嘅Frankie傾緊，亦解釋到點解咁多對話都係冇頭冇尾。到22年1月尾，隻鬼終於流出幾張cap圖。」她描述捉鬼過程，直至後來她將嫌疑人踢出密友名單：「我同Frankie以為事件已經告一段落。」
到今年6月，Christy公開自己的皮嫂身份後，嫌疑人立即在網上發放改圖誣蔑她：「直到今年6月，佢（嫌疑人)我公開自己係公眾人物女朋友後，就放晒兩年前嘅捉鬼story出嚟，有啲相係佢改咗圖，亦有啲係捏造。」並提供原圖做證。她指嫌疑人一直等待機「爆料」:「佢當年唔爆其他相，因為佢一直處心積慮，由原本淨係想搞死我，去到而家夾埋外人，想搞死埋我男朋友及MIRROR。佢甚至夾埋其他fans、連登打手不斷誣蔑我哋，又開幾個分身扮fans帶風向。萬一佢發現仍然有人支持Frankie，就會批鬥所有支持者。」她續說：「我懷疑佢有收fans錢去賣我嘅story，透露我男朋友行蹤…6月爆大單後，誣捏嘅情況更加嚴重，一大堆我唔識嘅人出嚟講我點點點，又話我睇show傾偈，等等。」
Christy表示已得知誰是嫌疑人：「佢2018年已經一直扮friend，2020年開始cap我圖，佢將啲圖post完上網之後仲走來叫我“take care babe”。」她強調跟對方無仇無怨：「唯一最有可能，就係佢講過佢家人曾經做傳銷，俾（被）人呃完幾十萬搞到有人上門追數。當佢知我俾（被）前男友拉咗入去做之後，就投射個憎恨落我身上。」Christy在21日也另外開post鬧爆該嫌疑人，又表示：「最後我想講如果遇到網暴，唔需要難過，因為haters就係想睇你唔開心，所以更加唔好諗要自殺，無恥嘅人唔會有悔疚感…你就當施捨下佢哋，咁樣諗就唔會唔開心，仲要學識感恩自己係幾咁幸福。」Frankie亦在女友帖文畀like以示支持，Christy亦多次以「男朋友」稱呼Frankie，證明二人情比金堅。
Christy發聲後，便將IG轉回私人，有人質疑她在事件丟淡後，卻撰擇在男友生日當天才發聲，她嬲爆反駁：「我IG唔係一個比（被）人食花生嘅地方，我交代件完件事，比（被）人cap晒圖就會del，唔通要留係（喺）到（度）一世？莫名其妙，你覺得我好想公開我IG，好想公開一直比（被）人抹黑緊嘅言論？你鍾意選擇性失明就自便，如果我唔係畀（被）人控制住，我會而家先出聲？」
圖片來源：IG、網上圖片
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
