53歲的視后宣萱最近重回TVB拍劇，除了是凍齡美女，出名性格爽朗的她，過去亦有不少爆炸性言論。早前網上瘋傳一段宣萱質問TVB重用歌手拍劇的舊片，片中有不少大家熟悉的臉孔，如鄭伊健、古天樂、郭晉安等等，她大膽敢言的行為引起全場哄動，就連身為歌手的鄭伊健都拍手贊同。有網友看後大讚「宣萱好有Guts有料到」，梁思浩有份主持的網台節目《娛樂好好玩》亦有探討這個問題，並在節目中大爆宣萱當年騷錢比天王級歌手還要高。
宣萱質問TVB高層「歌手享特權」舊片被翻出
最近網上瘋傳宣萱質問高層的舊片，節目《K100》節目邀請了電視劇《笑看風雲》和《餐餐有宋家》的劇組來宣傳，當時宣萱仍是新人，因不滿無綫重用經常遲到的歌手，於是在節目中大膽質問TVB高層「歌手享特權」的問題，她提到自己試過在三廠拍劇，但二三四五廠主角全部都是歌星，一眾藝人開工往往都會有三、四個鐘等歌星到場，「但佢哋遲到係一句Sorry都唔使講，公司亦都唔會講一句教訓佢哋嘅說話」。
▼宣萱質問TVB高層「重用歌手」問題▼
宣萱爆炸性言論獲眾人拍手贊同
從片中見到，同場有不少當年TVB後生小生，包括古天樂、鄧兆尊、郭晉安等等，特別是宣萱說到「佢哋遲到係一句sorry都唔使講，公司亦都唔會講一句教訓佢哋嘅說話」時，在場不少TVB小生都有同感，就連身為歌手的鄭伊健都拍爛手掌。
網友錯重點：睇到古天樂好靚仔
當年宣萱說的話很有爆炸性，有網友看後大讚「宣萱好有Guts有料到」，但亦有網友錯把焦點放在古天樂身上，大讚他當時青靚白淨、手托下巴聽宣萱發言的模樣非常靚仔，「我只留意古天樂，真係好靚仔」、「唔知咩節目，但睇到古天樂好靚仔」、「白古真係無敵！」
江美儀、梁思浩詳細講解「歌手享特權」原因
早前網台節目《娛樂好好玩》亦有探討「歌手享特權」問題，江美儀和梁思浩詳細講解當年娛樂圈不同類型的合約，指出TVB合約藝人與一般歌手薪酬上的大不同，並爆出90年代宣萱「Show」錢竟然比譚詠麟、王菲等一眾歌手還要高。
宣萱當年騷錢仲高過天王級歌手
節目中，江美儀首先簡單講解當年TVB合約藝人「Show錢」，她透露當時一個Show為半個鐘，意味一集1小時劇集為兩個Show，藝人只要完成合約上的出Show次數即可獲得bonus。而梁思浩隨即大爆90年代宣萱Show錢，「當年宣萱大慨$2,800一個show，佢拍《餐餐有宋家》，一個禮拜拍五日，一個月有幾錢人工？（答案是$56,000）」。
▼宣萱當年騷錢高過天王級歌手▼
天王級歌手拍劇Show錢得$1千？
相反，歌手簽的是歌星合約，雖然當時卡啦OK盛行，很多歌手紅到出海外，而且知名度比藝人高，「但（歌手的Show錢）只得幾百蚊，有$300、$500、$800價位」。梁思浩透露，即使當時「頂流」譚詠麟亦只得$1,000的Show錢，未去到天王級數的歌手，Show錢可能只有$600，拍一集劇（即 兩個Show）只有$1,200，比TVB合約藝人少一半有多，拍20集劇才得$24,000。
8、90年代歌手拍劇＝蝕畀TVB？
對於當時歌手來說，拍劇只是為了多元化發展、想多一個平台曝光和宣傳新歌，梁思浩直言「歌手肯拍電視劇因為當promotion，連埋主題曲，當係曝下光」，又指出大部分歌手都是「蝕畀TVB」，很多時候歌星出去唱一首歌已經賺到$2萬蚊，相等於TVB拍一套劇的價錢，而且歌手拍劇還要另外給髮型師、化妝師錢，$24,000根本不足以找數，所以歌手可說是貼錢拍劇。
在商言商下，當年不少歌手當然先接出面酬勞高的工作，等到有空檔才回到TVB「填窿窿」拍劇，「咁咪變咗出現頭先宣萱話成班坐晒喺度等，等三、四個鐘囉，咁你話關唔關歌星事？又真係唔關。」
▼90年代「歌手享特權」問題所在▼
來源：YT@娛樂好好玩、TVB
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
