麥當勞「人肉霸位」惹不滿唔幫襯搞到無位坐？網民反應兩極

文: 溫藹紅

2024.09.22

用 App 睇文

麥當勞不時出現「人肉霸位」情況，繼早前有網民拍攝到，有市民在麥當勞內進食外帶的兩餸飯後，最近再有人透過社交平台，投訴麥當勞內出現的「霸位」情況，直言不少人士沒有幫襯卻霸佔餐廳座位。不過網民就看法兩極，部分人大感共鳴，認為「經常俾佢地搞到冇位坐」，都有人表示體諒：「有好多因各種原因有家歸不得」。

港人投訴麥當勞「人肉霸位」

近日有網民透過社交平台發帖，指自己「最Q憎係餐廳見到，呢啲冇幫襯嘅人肉霸位L」，並上傳多張市民或遊客在麥當勞疑「霸位」的相片。其中包括有多名大媽正在餐廳閑聊，期間有人手持一條香蕉正在進食，檯上擺放了麥當勞水杯。

點擊圖片放大

此外，分別有不同大叔男士在餐廳的畫面，包括有看報紙、雙手抱頭看手機等；另外亦有部分年輕人低頭玩手機。

▼街坊直擊麥當勞現況▼

點擊圖片放大

網民反應兩極搞到冇位座VS睇開啲啦

帖文引來大批網民留言討論，並各持己見。有網民認為大感共鳴，直言「唔係繁忙時間坐冇所謂，多客冇位唔係幫襯就應該讓位」，有人就抱怨「午飯時經常俾佢地搞到冇位座」、「最衰嗰啲係一個人霸四個位」；批評沒有幫襯卻無理霸佔餐廳座位的行為惡劣。

▼網民留言深表共鳴▼

點擊圖片放大

另外有網民就表示體諒，猜測「有好多因各種原因有家歸不得，例如劏房太熱，屋企關係差，返通宵更又未夠鐘」、「若果係啲唔係咁忙嘅時間，我又覺得冇所謂」；亦有人不忿樓主小事「公審」，認為「可能食完比人收走咗又或者買緊啫」、「老實講關你X事咩，人哋經理都未出聲」。大家又怎樣看呢？

▼網民反駁斥小事化大▼

點擊圖片放大

資料及圖片來源：Facebook@全港店舖消息(開張/執笠)關注組

麥當勞食兩餸飯飲啤酒市民拍片公審遭圍剿

今個月初（7日）有市民透過網上群組發帖，指在荃灣街市街麥當勞，見到一名阿叔在餐廳內食非餐廳食物兩餸飯，形容對方「大陸窮X遊香港」、「劣性難改M記零帮（幫）襯」，同時上傳兩段對方正在用餐的影片，以及一張對方飲啤酒的相片。

點擊圖片放大

從影片中可見，該名男士當時坐於偏角落的高檯位置，正在埋頭用膳，同時配以兩罐1664啤酒，桌上仔細鋪上一張餐紙作「檯布」，似是用來慎防弄髒檯面，男子當時似乎亦未有為意正被拍攝。

▼影片截圖▼

點擊圖片放大

網民指責拍片者反同情阿叔：可能冇地方食飯

影片引來大批網民關注，不過大部分網民未有責怪阿叔，反而批評拍片者「過份」，指「人哋真係可能冇地方食飯呢，話事人職員都唔趕人哋走」、「喺麥記食係唔啱，但可能真係無地方食個安樂茶飯」、「有頭髮邊個想做瘌痢」？又指拍片者如若覺得不妥，質疑當時為何未有出聲制止，僅拍下片段放上網，「食餐飯啫，好多露宿者喺度瞓，你又唔影」？

▼網民留言▼

點擊圖片放大

不過，都有部分網民認為「大家可以話佢影人唔啱，但喺麥當勞食三送飯真係唔啱啵」、「唔明網民咩標準」、「如果係大陸人打邊爐或食飯盒，留言又會變另一回事」。大家又有何看法？

資料及圖片來源：Facebook@全港店舖消息(開張/執笠)關注組

麥當勞員工疑倒賣公司福利二手平台7折代購快餐

近日，有網民在連登討論區以「旋轉拍賣有人七折代訂麥當勞」為題發文，指疑似有快餐店員工在二手買賣平台以倒賣員工福利圖利。根據賣家描述，買家只須將想落單的食物加入購物車並截圖發送給賣家即可，售價為截圖中總金額的7折。賣家更聲稱「冇任何額外收費、手續費、代購費等等。」

網民懷疑事件涉麥當勞內部員工以公司福利作代訂賺錢，帖文火速引來熱議。

點擊圖片放大

網民質疑倒賣員工福利犯法

有網民認為此舉或犯法，亦有人指利用員工福利牟利，一經發現會被解僱，聲稱「唔得,後期發現就炒同轉比legal（法律部）特別員工價係有紀錄,大額就自動通知」。有網民則認為轉售福利的員工相當不智「當員工價5折食差價每一舊先得廿蚊比公司發現分分鐘要坐監或者賠錢值得咩」、「一個月買咁多次，公司會唔查咩，賺個十蚊8蚊」，隨時得不償失。除了猜測為員工利用福利圖利，亦有網友懷疑盜用信用卡簽賬或詐騙用戶落單然後走數。