iPhone 16 Pro已經炒燶？iPhone 16系列已於上周五（20日）正式開售，在港引發炒機潮，不少炒家取機後紛紛湧至先達散貨，希望趁機賺一筆大錢。不過，近日卻傳出最新iPhone系列災情慘重，特別是iPhone 16 Pro（細機），有炒家為求散貨不惜在Carousell放機止蝕，部分價錢比起Apple官網價$9399還要低，更有買家希望可以趁機「執平貨」，竟然開價$8500收機？
iPhone 16炒燶？炒家疑Carousell放機止蝕
iPhone 16系列開賣不到一星期，記者已經發現網上買賣平台Carousell有炒家疑似放機止蝕，其中以iPhone 16 Pro（細機）最多，甚至有炒家不惜低於原價出售，以$8850放售一部全新iPhone 16 Pro 256GB（沙漠金色），價錢比起Apple官網價$9399還要低，換言之，即使交易成功，炒家仍然要蝕$549。
▼炒家疑在Carousell放機止蝕▼
有買家開價$8300想趁機「執平貨」
另外，Carousell上亦有不少人希望可以趁機「執平貨」，甚至有買家開價$8300徵收iPhone 16。
▼Carousell低價徵收iPhone 16 Pro▼
iPhone 16系列官網價錢一覽
Apple每次出新手機，都會吸引無數果迷、炒家搶購，今年iPhone系列亦不例外，無論是iPhone 16、16 Pro以及16 Pro Max都吸引大量港人搶購，官網售價由$6,899起，售價視乎型號、儲存空間而定。
▼iPhone 16系列價錢一覽▼
iPhone 16系列開售當日炒價直擊
iPhone 16系列正式發售日，當天早上有不少炒家攞機後隨即到先達散貨，當日記者亦有到先達現場直擊，商場人頭湧湧，早已擠滿人，預計當日大概有2千多元「水位」可賺。
2024/09/20 11:30am Update
11：30先達現場｜ 越來越多市民到場放機，iPhone 16 Pro Max 256GB 沙漠金色暫見 HK$12,650，比原價高出 HK$2,451。
2024/09/20 10:00am Update
2024/09/20 9:30am Update
相關帖文：iPhone 16系列今日開售 先達炒價直擊！呢隻色最好賣 每部可賺呢個數！
iPhone 16料被搶購掀炒風！先達消息：水位可達呢個數
其實自Apple發佈會後，網上已有不少用家表示對新機感到興奮，而炒家們亦十分雀躍，紛紛認為有得炒。當然說到炒機，就自然要找收機店估價，記者便找到先達萬通數碼負責人波哥，率先為 iPhone 16 估價。
他透露，截至現時為止，出口單算是比較雀躍，已經有來自世界各地的批發單查詢，因為港版始終有雙卡的優勢，而不少海外版已轉用實體 SIM + eSIM 組合，仍受不少買家的喜愛。不過，由於現時環球經濟吹淡風，再加上國行版本近年經常大量倒貨回流香港，會打擊 iPhone 16 系列的炒風。
延伸閱讀：iPhone 16料被搶購掀炒風！先達消息：水位可達呢個數
全球打工仔返工幾耐先買到iPhone 16 Pro？
外國網站《Picodi》每年都會發布「iPhone指數」，根據平均薪資計算出最快可以買到新iPhone的國家／地區。早前Picodi公布最新統計結果顯示，今年奪得冠軍寶座的國家是瑞士，當地人平均只需要4個工作天，即可買到128GB版iPhone 16 Pro；排名第二的是美國人，平均需要返工5.1天，而澳洲和新加坡並列第三名，平均需要工作5.7天就買到新iPhone機。
▼iPhone指數2024 Top 20▼
香港排名亞洲第三 打工仔返工10.4天就買到
今次亞洲地區中，新加坡是唯一進入全球前10名的國家，亞洲排名第二的是南韓，工作日數為9.7天，平均不用工作10日已經可以購入新iPhone，香港的10.4天則在亞洲第三位，全球排名第22名。至於日本、台灣、中國分別需要工作12.4、18.3、24.7天。
▼iPhone指數2024（亞洲地區排名）▼
土耳其人返工超過3個月先買到新iPhone？
今年「iPhone指數」統計的50個國家中，排名最低的是土耳其，平均需要72.9個工作天才買到128GB版iPhone 16 Pro，與瑞士相差逾8倍。其次為菲律賓和巴西，兩者分別要68.8和68.6工作日，需要努力返工超過2個月，才能購入新iPhone。
▼iPhone指數2024排名一覽▼
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
