近日不時出現市民在連鎖餐廳「霸位」但唔幫襯的情況，並引來一番討論。然而近日再出現另類情況，有網民批評一名男子於一間知名連鎖咖啡店「坐幾個鐘砌模型」，指對方連霸兩張檯，前後僅幫襯1杯咖啡，因此拍照並放上網「公審」，豈料反遭部分網民圍剿，更力撐男子：「人地有畀錢」、「起碼佢有買嘢」。
男子連鎖咖啡店砌模型 幫襯1杯咖啡遭公審
近日有網民表示，在屯門市廣場留意到一名男子，正在一間連鎖咖啡店內的位置上砌模型，指「一杯星XX，霸哂兩張枱4個位喺度砌模型」，似乎對對方「霸位」感到不滿，引發討論。
男子低頭專心砌模型 網民高空偷拍
從相中可見，該男子檯上放有一杯沒有蓋上杯蓋的飲品，估計為店內購買的飲品，同時檯上放滿模型散件及模型盒，並低頭專心砌模型。從相片角度，該網民應該是從商場高層的角度往下偷拍。
網民力撐男子：人地有畀錢
帖文引來網民熱議，大部份人似乎認為樓主「小事化大」，表示「人地有畀錢，你想要個位咪畀錢買杯野飲，佢有邊到阻到你」、「起碼佢有買嘢， 有飲嘢」、「傾三個鐘保險得，砌半個鐘模型就唔得」？但都有個別網民批評「好憎呢啲人」。
▼網民留言▼
資料及圖片來源：Facebook@香港 [ 屯門 ] 再起時
港人投訴麥當勞「人肉霸位」
近日有網民透過社交平台發帖，指自己「最Q憎係餐廳見到，呢啲冇幫襯嘅人肉霸位L」，並上傳多張市民或遊客在麥當勞疑「霸位」的相片。其中包括有多名大媽正在餐廳閑聊，期間有人手持一條香蕉正在進食，檯上擺放了麥當勞水杯。
此外，分別有不同大叔男士在餐廳的畫面，包括有看報紙、雙手抱頭看手機等；另外亦有部分年輕人低頭玩手機。
▼街坊直擊麥當勞現況▼
網民反應兩極 搞到冇位座VS睇開啲啦
帖文引來大批網民留言討論，並各持己見。有網民認為大感共鳴，直言「唔係繁忙時間坐冇所謂，多客冇位唔係幫襯就應該讓位」，有人就抱怨「午飯時經常俾佢地搞到冇位座」、「最衰嗰啲係一個人霸四個位」；批評沒有幫襯卻無理霸佔餐廳座位的行為惡劣。
▼網民留言深表共鳴▼
另外有網民就表示體諒，猜測「有好多因各種原因有家歸不得，例如劏房太熱，屋企關係差，返通宵更又未夠鐘」、「若果係啲唔係咁忙嘅時間，我又覺得冇所謂」；亦有人不忿樓主小事「公審」，認為「可能食完比人收走咗又或者買緊啫」、「老實講關你X事咩，人哋經理都未出聲」。大家又怎樣看呢？
▼網民反駁斥小事化大▼
資料及圖片來源：Facebook@全港店舖消息(開張/執笠)關注組
麥當勞食兩餸飯飲啤酒 市民拍片公審遭圍剿
今個月初（7日）有市民透過網上群組發帖，指在荃灣街市街麥當勞，見到一名阿叔在餐廳內食非餐廳食物兩餸飯，形容對方「大陸窮X遊香港」、「劣性難改M記零帮（幫）襯」，同時上傳兩段對方正在用餐的影片，以及一張對方飲啤酒的相片。
從影片中可見，該名男士當時坐於偏角落的高檯位置，正在埋頭用膳，同時配以兩罐1664啤酒，桌上仔細鋪上一張餐紙作「檯布」，似是用來慎防弄髒檯面，男子當時似乎亦未有為意正被拍攝。
▼影片截圖▼
網民指責拍片者 反同情阿叔：可能冇地方食飯
影片引來大批網民關注，不過大部分網民未有責怪阿叔，反而批評拍片者「過份」，指「人哋真係可能冇地方食飯呢，話事人職員都唔趕人哋走」、「喺麥記食係唔啱，但可能真係無地方食個安樂茶飯」、「有頭髮邊個想做瘌痢」？又指拍片者如若覺得不妥，質疑當時為何未有出聲制止，僅拍下片段放上網，「食餐飯啫，好多露宿者喺度瞓，你又唔影」？
▼網民留言▼
不過，都有部分網民認為「大家可以話佢影人唔啱，但喺麥當勞食三送飯真係唔啱啵」、「唔明網民咩標準」、「如果係大陸人打邊爐或食飯盒，留言又會變另一回事」。大家又有何看法？
資料及圖片來源：Facebook@全港店舖消息(開張/執笠)關注組
麥當勞員工疑倒賣公司福利 二手平台7折代購快餐
近日，有網民在連登討論區以「旋轉拍賣有人七折代訂麥當勞」為題發文，指疑似有快餐店員工在二手買賣平台以倒賣員工福利圖利。根據賣家描述，買家只須將想落單的食物加入購物車並截圖發送給賣家即可，售價為截圖中總金額的7折。賣家更聲稱「冇任何額外收費、手續費、代購費等等。」
網民懷疑事件涉麥當勞內部員工以公司福利作代訂賺錢，帖文火速引來熱議。
網民質疑倒賣員工福利犯法
有網民認為此舉或犯法，亦有人指利用員工福利牟利，一經發現會被解僱，聲稱「唔得,後期發現就炒同轉比legal（法律部） 特別員工價係有紀錄,大額就自動通知」。有網民則認為轉售福利的員工相當不智「當員工價5折食差價每一舊先得廿蚊 比公司發現分分鐘要坐監或者賠錢 值得咩」、「一個月買咁多次，公司會唔查咩，賺個十蚊8蚊」，隨時得不償失。除了猜測為員工利用福利圖利，亦有網友懷疑盜用信用卡簽賬或詐騙用戶落單然後走數。
折扣價代訂麥當勞帖文已下架
目前Carousell平台上的7折代訂麥當勞帖文已下架，不過仍然見到其他商戶的8折代訂優惠，操作模式均大致相同。本網已就事件向麥當勞查詢，截稿前暫未有回覆。
屯門麥當勞請燒味師傅 月薪有2萬？
上月有網友在LIHKG討論區上分享了一張招聘廣告，表示發現麥當勞在某求職平台上招聘燒味師傅。從他上傳的照片見到，「Mcdonalds」正在招聘燒味師傅，工作地點在屯門，每星期工作4-5日，月薪為18,500-$20,000，目前空缺為1人。
不過，相關招聘廣告短短一日已被快速下架，不知道是否資料出錯，還是已經成功招聘到人手，連樓主都不禁表示：「好似請到人了，個招聘落左架，仲諗住有麥切雞」。
帖文曝光後，引來一眾網民關注和討論，有網民笑稱「麥記有咩斬」，也有人誤以為麥當勞有新產品推出，「叉燒雞腿包」、「芝士叉燒漢堡」、「脆辣切雞包」、「燒味飯Tastic」。
有網民表示可能是員工飯堂，亦有網民認為該則廣告與麥當勞無關，紛紛推測是平台資料出錯，又指出麥當勞的正確英文串法應該是「McDonald’s」，並非招聘廣告中的「Mcdonalds」。
▼按圖看網民留言▼
來源：LIHKG討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
