TVB幕後人工公價疑曝光！有港人自去年開始便一直留意TVB的招聘廣告，他發現其刊登內容重複性相當高，當中更有不少職位超過大半年還是未能招攬人手，人工普遍介乎$10,000-$16,000之間。其中幕後職位幾乎都6天工作日，屬輪班制工作，無論是薪水待遇都非常差，令他不禁形容是「無限loop請人」。
幕後員工返足6日兼輪更 人工位位唔過$15K？
翻查資料，原來樓主早在去年4月開始，便一直關注TVB招聘員工事宜，他發現近年大台不斷在各大求職平台（如勞工處、CTgoodjobs等）刊登招聘廣告，特別是幕後工作人員，當中有不少職位超過半年仍然未能招攬人手，而且薪水待遇相當差，「全部都唔過15000，仲要輪更番6日工」。
▼2023-24年度TVB幕後員工招聘廣告▼
TVB員工招聘吸引「幾千人爭一個位」？
雖然薪水待遇差，但樓主發現每次TVB招聘都會吸引「幾千人爭一個位」，而且對於應徵者要求十分高，TVB人事部職員還會「當正自己警察咁懷疑你/審你」，同時他又暗諷大台角度當然要求應徵者滿分，「唔係點襯得起佢個招牌」。
樓主：TVB員工仲難考過公務員
雖然招聘廣告中提及「歡迎中高齡求職人士應徵」，但樓主發現絕大多數獲聘入職的都是應屆畢業生（FG）、大專生，令他不禁概嘆道「大台難考過公務員呢個講法真係唔誇」。同時，樓主認為有4大類別人士基本上是無緣成為TVB員工，這些人往往會被人事部職員標籤為「頭號癩蛤蟆」，「因為HR角度九成係驚請左你會陀衰家，整衰公司個朵」。
▼樓主列4類人士無緣成為TVB員工▼
TVB長期請唔到人？樓主分析1原因：內定左都唔出奇
除了對應徵者要求過高，樓主推測TVB為何要長期招聘幕後，他認為這些職位人選早已內定好，人事部職員是「交數先扮請人」，而刊登招聘廣告也只不過是循例走走過場。
網友：人工低待遇差、水魚價呃畢業生
網友看完TVB幕後薪酬待遇後相當驚訝，不少人認為TVB要求多多，但出手卻如此低，直言「人工低待遇差，邊個做」、「人工唔夠生活」，紛紛表示寧願做外賣員、保安員，至少薪水福利比較好。亦有網友形容大台是「無良企業」，「要輪班，又星期一至六，人工仲...好難有動力去見」、「人工低待遇差，邊個做」。
▼網友點講▼
亦有網友大讚是「公屋界筍工」？
但有網友認為TVB工作簡直是公屋界筍工，疑似是為申請公屋人士而設，「而家做7-11都15000+啦，我真係識朋友係做呢D公屋工」、「好懷疑係比申請公屋嘅人做，TVB份人工就剛剛好啦」。
來源：香港討論區
中菜館$2萬高薪請侍應 禮拜六日都有得放假休息？
該名港人於Facebook群組「香港茶餐廳及美食關注組」分享了幾張照片，內容是鰂魚涌某中菜館招聘廣告，店內正以月薪$2萬招聘侍應，逢星期六以及公眾假期都會休息半日，至於星期日則會放假一天，無論是薪水待遇都非常吸引。但樓主仔細一看，才發現工作時間有古惑，他文中寫道「咁嘅返工時間？！」
▼按圖看完整事件▼
網友力數香港飲食業「落場」3大缺點
帖文曝光後，短短一日已吸引過百港人留言討論，不少人對此見怪不怪，實在不解樓主為何好像發現新大陸一樣，並表示香港飲食業一直以來都有「落場」文化，實在不用太過大驚小怪；但亦有人認為該份工作如同「賣身」一樣，美其名是休息，但實際上是僱主為了節省人手，紛紛留言力數「落場」的3大缺點，直言「落場既工慘過X」。
▼網友點講▼
網友認為符合1條件即變「筍工」
不過，有網友指出這份工作人工高、假期又理想，平均時薪都有$88.5，加上員工需要連續做兩更，意味著「二餐唔駛錢」。雖然工時長，而且每日都有「落場」時間，但只要符合1個條件就會馬上變「筍工」，「如果住附近真係玩得過」，甚至有港人直言「呢啲工好，無咩時間洗錢」。
延伸閱讀：中菜館月薪$2萬請侍應！禮拜六日有假放惟返工時間咁安排？網友稱符合1條件即變「筍工」...
港男品評香港唔同級數寫字樓 甲級寫字樓 VS 工商廈
近日，有網民在社交平台Threads發文，分享自己在不同級別寫字樓工作後的感受，坦言「返慣甲級office嘅工，真係會唔慣係工廈嘅office嘅工。」帖文引來不少打工仔加入討論，相比起大樓級別，公司所在地區及廁所卻是更重要考量。
網民撐甲級商廈優勝：返工廈日日同自己啲衫講對唔住
不少網民認同樓主，較喜歡在甲級寫字樓工作，原因大多圍繞裝修設計、地段、內部設施等。有打工仔甚至在搵工時，已預先篩選地區，「會filter目標區域，只 target 尖沙咀、金鐘、中環。另外會考慮同地鐵站嘅距離，唔想日日行餐死、日曬雨淋」、「唔會再揀工廈返，係環境問題」、「試過轉到去工廈返工之後日日返工都同自己啲裙同鞋講對唔住。」
甲級寫字樓硬件固然新淨優勝，不過租金貴一截，有網民則認為「如果前途人工福利upgrade 左, 其實我又唔介意唔係甲級office」、「座樓企理乾淨就OK，最重要係隔離有好嘅配套。俾你返ICC搵3皮都死，隔離乜都冇，仲要開OT個下就大劑」、「工廈office 多數個位大d 好坐d」、「平民地方Chill d。」
▼甲級寫字樓租金比拼▼
參考中原（工商舖）的租賃資料，以下整理了幾間甲級寫字樓的最新呎價。
廁所才是評分準則 網民：啲人用法匪夷所思
無論甲級寫字樓抑或是工廈，網民最關心的是辦公室廁所的衛生與舒適程度，畢竟上班時間少數也有8小時，如廁的確很重要。有網民直言「廁所唔ok 真係會想唔撈」，亦有人指「越高級嘅寫字樓。 廁所越污糟。啲人去廁所啲用法匪夷所思」，連同一屋簷下的用家都是要須考慮的事。有網民則指最惡頂的辦公室是用貨櫃組裝的臨時辦公室，要用流動廁所，「吸屎嘅時候方圓百里臭到。」
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
