TVB高收視人氣節目《東張西望》又一位主持宣佈離巢，現年34歲東張男主持魏柏豪，日前在社交平台突發宣布離開TVB，告別3年東張主持生涯。魏柏豪有地勤及7年空少經驗，在2020年參加《衝上雲霄大選》入行，在2021年12月加入東張主持行列，更是期間限定男團「Super Tiger」成員之一。
突發宣佈已離開東張
魏柏豪日前在社交平台撰長文突發宣布離巢，指自己已於10月5日離開《東張西望》，並貼出多張外景拍攝照片，感激節目的栽培與工作人員的幫忙，令自己從什麼到不懂的新人，到能寓工作於娛樂。魏柏豪在文章的最後更寫道：「下星期就有另一種挑戰了 加油✈️」，疑似暗示自己將重返航空業跑道，再做老本行空少。
魏柏豪全文：
「好多人呢幾日問我點解咁跑得🏃🏻🏃🏻🤣🤣
其實係10月5號我已經離開左東張西望啦🙂↕️🙂↕️
2021年12月1號 係我第一日開東張
果排covid 時期 最深刻係
成日都要去拍啲爆發既地方
睇返自己初初拍果啲item 同vo
真係成舊飯咁
風吹雨打日曬雨淋
但每次都有導演攝影撰稿係度
成set crew一齊 寓工作於娛樂
係呢2年幾3年既時間
多謝東張入面每一位既耐性同照顧
本身其實份人好i
連做街訪都覺得尷尬到一個極致
到後來 “ready? roll左? 直接黎啦gogogo” 🤣
多謝東張西望台前幕後所有人
更加多謝有睇東張西望支持我哋既你哋
大家請繼續支持東張西望
下星期就有另一種挑戰了 加油✈️」
追全裸大叔 訪何伯何太
主持《東張西望》3年的魏柏豪，多次訪問亦成為熱話，包括：追訪深水埗全裸大叔以及訪問全城熱話何伯何太。魏柏豪早前追訪深水埗全裸「曬雀」大叔，二人在同一條街道上來回狂奔數十次，大玩你追我跑遊戲，被網民熱烈討論。除此之外，魏柏豪亦曾訪問全城熱話何伯何太，專業表現亦被網民大讚。
來源：IG@魏柏豪
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
