近日有人在社交平台發佈了一段影片，指在壽司郎發現了「新型逃單方法」，引起大批港人關注和討論。有人看後鬧爆食客無品，「食唔起就唔食」、「就嚟食壽司朗都要考牌」，亦有網友笑稱做法相當愚蠢，列3原因留言道「其實走唔到數」。
香港壽司郎驚現「新型逃單方法」？
日前有網民在Threads發帖，他上傳長約4秒的影片，並在帖中寫道「壽司郎新型逃單方法」。從影片見到，迴轉帶上有4碟吉盤，當中包括2盤紅碟（價錢$12）以及2盤銀碟（價錢$17），相信是有食客故意把吉盤放到迴轉帶上，疑似想「走數」逃單。
網友留言鬧爆：食嘢就唔好咁cheap
影片曝光後，隨即引起大批港人熱烈討論，不少人留言鬧爆該食客做法無公德心，「食嘢就唔好咁cheap」、「食唔起就唔食，出得黎食野就咪鬼咁樣衰啦」、「窮就唔好出街食嘢」、「做人做狗自己揀」，甚至有網友語帶諷刺說道，「就嚟食壽司朗都要考牌」。
▼網友點講▼
網友3原因力證根本走唔到數
有網友推測該名食客很可能是「順手得滯唔小心」，亦有網友表示毋須太過激氣，並指出3原因解釋該食客根本「走唔到數」。
▼網友列3原因解釋「走唔到數」▼
來源：Threads
壽司郎員工「開工」愁眉苦臉 結帳180度轉變展露笑臉
香港網絡名人及多媒體創作人司徒夾帶，近日去壽司郎用餐，在點餐時無意發現壽司郎的1個細節位。他上傳多張相片，表示留意到壽司郎點餐用的平板內客，在客人點餐後畫面中的「員工」圖案，竟然出現「愁眉苦臉」的表情，毫無笑容。
待客人按下「結帳」時，畫面中的「員工」表情立即出現180度大轉變，由愁眉不展一改為「笑容可掬」，並現以「需要進行結帳或由店員為您服務嗎」的字句，令司徒夾帶都笑言：「只要你一結帳埋單，佢就會開心返，完全融入咗香港嘅文化」。
網民笑：壽司郎都幾貼地
帖文隨即引起大批網民討論，有網民力讚司徒夾帶觀察力強，笑指前往多次都沒有留意到「佢笑定喊」，同時亦有人讚壽司郎貼地，「啲公仔同香港啲餐廳啲侍應個樣差唔多」、「因為可以做少一檯客」；有網民就覺得該表情未必代表「唔開心」，認為似表達出「誠懇」與「認真」。
延伸閱讀：壽司郎員工「開工」愁眉苦臉？結帳展笑顏！網絡紅人：完全融入香港文化
港媽壽司郎自攜蛋糕慶生 不滿店員提醒續開Po公審
適逢小朋友生日，一名港媽最近就帶同孩子前往食壽司郎慶祝生日，同時攜帶一個生日蛋糕打算在餐廳內享用，然而整體過程令其大感不快，因此在香港壽司郎社交平台專頁的帖文下留言，詳細寫下自己在餐廳切蛋糕時的不滿，同時又投訴店員拒絕提供相關物品，包括食物碟、餐具等。此外，港媽亦在其他群組分享事發經過，引來熱議。
▼事件經過▼
網民一面倒圍剿港媽 狠批：唔收你切餅費已經好好
她續提醒網友們，「如果上嚟慶祝生日，要食蛋糕蛋糕千祈唔好佢呢度？非常無奈及搞笑」。不過今次港媽似乎圍爐不成，反而引來大批網民關注並圍剿，大部分網民一面倒批評港媽行為猶如「西客」，直言「壽司郎員工係無做錯，人地跟足指引做野，仲已經額外幫你搵咗火機，你仲想點」、 「其實佢唔收你切餅費已經好好人，帶其他商店的食物入食肆享用」、「下次試下帶蛋糕去茶餐廳，睇下你有咩下場」？
▼網民留言▼
有網民就打趣道，著壽司郎不如考慮推出「生日派對服務」，認為可能是一條新財路「可以諗諗佢」；都有個別網民撐港媽，認為餐廳應該開首就告知不容許自攜蛋糕入內享用，大家又點睇呢？
延伸閱讀：港媽食壽司郎自攜生日蛋糕 店員拒提供餐具惹不滿！留言投訴反遭圍剿
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
