近日有屯門網民透過社交平台群組發文，指日前在輕鐵杯渡站使用升降機時，𨋢內已經相當擠迫，一對大叔大媽無視情況「衝入𨋢」，期間不斷推倒升降機內的人士，結果令𨋢門三度無法關上。一對年輕夫婦「睇唔過眼」遂叫對方離開，「唔好再撞，畀啲文化嚟好唔好」？大媽更口出狂言：「你呀媽做雞、老豆做鴨、祖宗18代都係做雞」，最終雙方掀起罵戰！
輕鐵站大叔大媽衝𨋢撞人 迫爆三度關唔到門捱罵
樓主表示，當日使用輕鐵杯渡站升降機前往車站時，一對大叔大媽無視升降機內已非常擁迫的情況，繼續逼入𨋢內造成「人逼人」，繼而掀起罵戰。
大媽口出狂言：祖宗18代都係做雞
樓主當時已經在𨋢內，另外內部有架滑板車、嬰兒手推車及多名早已進入𨋢內的人士，該大叔大媽「係咁推入去推到我撞到人，度門閂左三次都閂唔到仲係咁撞入嚟」，以致有人捱撞。
▼事件經過▼
最終報警處理 大媽：我報埋公安添 識人拉晒你哋
事件最後驚動警員到場。警察到達後，該對年輕夫婦就向警方敘述事件經過，而大叔就「指手畫腳」、「又拎部電話岀嚟」，個大媽就擺出想落淚的樣子。樓主表示：「因為警察嚟到分開咗佢哋去入邊傾，行遠咗聽唔到佢講咩」，事件至此告一段落，但就引起網民熱烈討論！
網民狠批：好心行樓梯啦
大批網民留言一面倒批評大叔大媽行為野蠻，「低等到不堪」、「冇文化」、「其實呢啲咁嘅人，只要所有人一齊鬧佢嘅話，佢哋就會笠水」、「搭一轉𨋢都唔洗等好耐，咁夾硬逼入都晒左好多時間」；都有人覺得「好心行樓梯啦，分分鐘仲快過搭𨋢」。
不過，都有網民認為樓主僅上傳一張照片，難以證明事實全部及誰對誰錯。
資料及圖片來源：Facebook@真.屯門友
港鐵屯門區輕鐵站嚴捉逃票 乘客唔拍卡出站行有無犯法？
由於輕鐵沒有加裝閘門，因此乘客需自律到月台站口的八達通卡機「拍卡」，或者於月台上設置的售票機購入車票，方可乘搭輕鐵。近日屯門輕鐵繼續有大批港鐵職員在站內駐守「查票」，以打擊逃票的乘客，同時掀起大西北居民對「輕鐵唔拍卡出站周圍行有無犯法」的討論。
▼輕鐵查票實況▼
街坊：大西北啲人幾10年都係咁
有街坊表示：「有個人話啲人搭輕鐵唔拍出站順住周圍去，離開個站仲買埋嘢係犯法喎，我解釋佢知輕鐵係咁搭......」，並指如果犯法，「成個大西北啲人一定係犯咗法三十幾年」。
有網民質疑做法形同「走漏洞」
不過，都有市民表示在有需要的情況下，都會選擇「唔拍卡出站周圍行」，認為只需遵守2大規則包括便可在合理範圍下，包括「不重複車站」及「2小時內」，免付票價乘搭輕鐵。不過，都有人質疑此舉屬於走法律漏洞。
▼市民分享乘搭個案▼
輕鐵及巴士服務乘客須知及《香港鐵路(西北鐵路)附例》解答
翻查港鐵官網，輕鐵及巴士服務乘客須知部分指出，「已確認之八達通或單程車票祇適用於從確認入站或購票車站起，作單一方向乘車前往另一車站，期間不可重複車站。乘客在回程或再乘車時(包括所有循環路綫)，必須重新確認八達通或另外購買合適車票」、「八達通確認後或單程車票發售後2小時內有效，逾時即屬過期和無效」。
▼輕鐵及巴士服務乘客須知▼
▼《香港鐵路(西北鐵路)附例》▼
另外，根據 《香港鐵路(西北鐵路)附例》（第556章第34條）指出，無票或持過期或不適當車票乘搭車輛，任何人(不足3歲的人除外)如在沒有持有車票、持有失效車票等情況下，乘搭或企圖乘搭任何巴士或西北鐵路車輛，即視作沒有繳付車費，並有責任向公司繳付附加費；另外乘客如沒有在車票發出後2小時內完成車票所關乎的車程，車票即屬過期和失效。
港鐵解答疑問：輕鐵唔拍卡出站周圍行有無犯法？
記者就相關情況向港鐵公司作出查詢，並已獲得回覆。
▼港鐵最新回應▼
資料及圖片來源：Facebook@真.屯門友、港鐵官網、香港法例官網
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
